Kuma ku mortu di Jesus pudi salbanu?

Suma purmeru omi ku purmeru minjer, Adon ku Eva disobdisi Deus, no ta peka, sufri i muri.a Ma no situason i ka sin speransa. Jeova manda si Fiju Jesus Kristu pa Tera pa i muri pa nos pa no pudi libertadu di pekadu ku mortu. Biblia sina kuma, pa manera ki muri, Jesus seta da resgati. Resgati i un pres ku ta pagadu pa liberta un algin. Pres ku Jesus paga i si vida suma omi perfeitu. (Lei Mateus 20:28.) Jesus di livri vontadi disa si diritu di vivi pa tudu tempu na Tera, i danu opurtunidadi di gaña mas ke ku Adon ku Eva pirdi. Jesus mostra tambi di kuma el ku Jeova e amanu ciu. Es lison na judau da balur garandi pa mortu di Jesus.

1. Kuma ku mortu di Jesus pudi judanu aos?

Suma no tene pekadu, no ta fasi manga di kusas ku ka ta kontenta Jeova. Ma si kontra no ripindi di bardadi di no pekadus, i pidi Jeova purdon na nomi di Jesus Kristu i no fasi no minjor pa ka ripiti kil eru, no pudi tene bon relason di amizadi ku Deus. (1 Jon 2:1) Biblia fala: “Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus.” — 1 Pedru 3:18.

2. Kuma ku mortu di Jesus pudi judanu na futuru?

Jeova manda Jesus pa i da si vida suma un omi perfeitu “pa tudu kil ku setal ka ta pirdi, ma i ta tene vida ku ka ta kaba.” (Jon 3:16) Pabia di ke ku Jesus fasi, i ka na tarda Jeova na bin kaba ku tudu mau kusas ku disobdiensia di Adon tisi. Es signifika si no mostra fe na sakrifisiu di Jesus, no na tene opurtunidadi di vivi filis i pa sempri na paraísu na Tera! — Isaias 65:21-23.

APRINDI MAS

3. Mortu di Jesus libertanu di pekadu ku mortu

VIDEO: Ke ku Manda Jesus Muri? — Parti 1 (2:01)

• Ke ku Adon pirdi oca i disobdisi Deus?

Lei Romanus 5:12, dipus bo kombersa aserka des purgunta:

• Kal rusultadu ku pekadu di Adon tene na bo?

Lei Jon 3:16, dipus bo kombersa aserka des purgunta:

• Ke ku manda Jeova manda si Fiju pa Tera?

1. Adon seduba un omi perfeitu ku disobdisi Deus, pabia di kila no ta fasi pekadu i no ta muri.

2. Jesus seduba un omi perfeitu ku obdisi Deus, pabia di kila no na sedu perfeitu i tene vida ku ka ta kaba.

4. Mortu di Jesus pudi juda tudu jintis

VIDEO: Ke ku Manda Jesus Muri? — Parti 2 (2:00)

• Kuma ku mortu di un omi pudi juda tudu jinti?

Lei 1 Timótiu 2:5, 6, dipus bo kombersa aserka des purgunta:

• Adon seduba un omi perfeitu, pabia di si pekadu anos tudu no ta fasi pekadu i muri. Jesus seduba tambi un omi perfeitu. Di kal manera ki liberta tudu jinti i sedu resgati ku kuruspundi?

5. Resgati i un prenda ku Jeova dau

Amigus di Jeova ta oja resgati suma un prenda pa relis. Pur izemplu, lei Gálatas 2:20, dipus bo kombersa aserka des purgunta:

• Kuma ku apostulu Paulu mostra di kuma i ta oja resgati suma un prenda ki pa rel?

Oca ku Adon peka, el ku tudu si fijus e kondenadu pa muri. Ma Jeova manda si fiju pa muri, asin bu pudi tene opurtunidadi di tene vida ku ka ta kaba.

Ora ku bu na lei es versikulus imaẑina kuma ku Jeova dibi di sinti oca si Fiju na sufri. Lei Jon 19:1-7, 16-18, dipus bo kombersa aserka des purgunta:

• Kuma ku bu ta sinti pa ke ku Jeova ku Jesus fasi pa bo?

RUSUMU

Mortu di Jesus pirmiti pa Jeova purda no pekadus i danu opurtunidadi di tene vida ku ka ta kaba.

Rekapitulason

• Pabia ku Jesus muri?

• Di kal manera ku vida di Jesus suma omi perfeitu i un resgati ku kuruspundi?

• Kuma ku mortu di Jesus pudi judau?

TENE MAS INFORMASON

Aprindi pabia ku vida di Jesus suma omi perfeitu comadu di resgati.

“Kuma ku Sakrifisiu di Jesus ‘Libra Manga di Jinti’?” (Artigu na internet)

Jubi ke ku no pirsisa di fasi pa pudi salbadu di pekadu ku mortu.

“Kuma ku Jesus Salbanu?” (Artigu na internet)

Jubi kuma ku aprindi aserka di sakrifisiu di Kristu juda un omi muda si manera di sedu.

“N ka sedu ja mas skravu di violensia” (Artigu na internet)