Buska un bon kau pa studa

Sera ki bu misti apruveita mas di bu studu pesual? Kusas ku faladu li pudi judau konsentra minjor ora ku bu na studa:

• Kuji un bon kau. Si pusivel, buska un kau limpu i ku tene bon klaridadi pa bu pudi lei diritu. Bu pudi sinta na un mesa o buska un kau fora ku sta avontadi.

• Buska un kau nunde ku bu na pudi sta abo so. Jesus ta oraba “parmaña sedu” na “un lugar dingidu”. (Mar 1:35) Si bu ka pudi sta abo son, konta bu familia o kilis ku mora juntu ku bo pa e sibi ora ku bu na studa, i pidi elis pa e ka ntrumpiu na ki ora.

• Konsentra. Ivita kusas ku pudi disvia bu atenson. Si bu ta usa telemovel o tablet pa studa, pul na silensiu o pul na modu avion pa i ka ntrumpiu. Si bu pensa na un kusa ku bu pirsisa di fasi ora ku bu na studa, skirbil pa bu ka bin diskisi fasil ora ku bu kaba studa. Si difisil pa bu konsentra, toma un pausa pa yanda o pa distindi kurpu.