Imaẑina storias ku bu na lei na Biblia

Biblia tene manga di storias di kusas ku kontisi ku ta nsinanu lisons importanti. Ora ku no na imaẑina duranti no leitura, kila ta judanu ntindi mas diritu ke ku no na lei, i mas na benefisianu. No jubi alguns kusas ku pudi judau imaẑina storias ku bu lei na Biblia.

• Lei ku vos altu. Lei Biblia ku vos altu pudi judau imaẑina diritu ke ku kontisi. Ora ku bo na lei Biblia na familia, bo pudi kuji kin ku na lei parti di kada algin ku sta na storia, si bo fasi es, i na sta suma si bo fasi parti di ki storia ku bo na lei.

• Imaẑina ke ku sta na kontisi. Tenta ntindi pensamentu ku sentimentu di jintis ku faladu del na ki storia. Pur isemplu, bu pudi punta bu kabesa: ‘Pabia ku un algin papia o aẑi des manera? Si N staba na ki situason, kal ku na seduba ña pensamentu o ña sentimentu?’

• Fasi diseñu o raskuñu. Diseña ke ku kontisi na storias di Biblia pudi judau lembra mas diritu del, mesmu si bu ka pudi diseñu.