Ñucunchi familiaguan alli causangapuca ¿imatati rrana canchi?

1. ¿Imamundati civilpi cazarana canchi?

Taita Dios, contento Dios cashcamundami familiacunashi contento causachun munan (1 Timoteo 1:11). Taita Diosmi familiata callarichirca. Cazareshallami guaguacunata alli yachachi pudinchi, familia ucupishi alli, contento causi pudinchi. Chimundami Taita Diosta sirviccunaca igual causangapuca primero civilpi cazarana can. Lucas 2:1, 4, 5​ta liyi.

Taita Diosca munanmi shuc jari, shuc guarmi cazareshaca guañungacama igual causachun. Shinaiti Taita Diosca munanmi cazareshaca rrandi rrandi respetarichun ama cutishuc guarmita, cutishuc jarita mashcachun (Hebreos 13:4). Taita Diosca cazarashcacuna divorciarichunca na munanchu (Malaquías 2:16). Shinashi Taita Diosca cusa o guarmi guainayacpimi divorciarichun saquin. Divorciarishca jipami muneshaca cutin cazari pudin. Mateo 19:3-6, 9​ta liyi.

2. Cusa guarmica ¿imatati rrana can?

Taita Diosca guarmita, jaritaca rrandi rrandi ayudarichunmi rrarca (Génesis 2:18). Cusa familiapu uma cashcamundami familiata mantinina, Taita Diosmundashi yachachina can. Paipu guarmita juyishcamundami cusaca paipu guarmitaca ayudana can. Cusandi guarmindimi juyanacusha, respetarisha causana can. Ishquindi juchayuccuna cashcamundami guaquinpica pandarincuna chimundami tuqui tiempo perdonarinata yachana can. Shinami alli, contento causangacuna. Efesios 4:31, 32; 5:22-25, 33 y 1 Pedro 3:7​ta liyi.

3. Cazarashca jipa problemacuna rricuricpica ¿parrtirinachu can?

Cazado vidapi problemacunata charishaca ishquindipurami juyiguan, alli shimicunaguan parrlarina can (1 Corintios 13:4, 5). Bibliaca llaquicuna rricuricpi parrtirichunca na ninchu. 1 Corintios 7:10-13​ta liyi.

4. Taita Diosca guaguacunataca ¿imashinati causachun munan?

Taita Diosca guaguacuna alli, contento causachunmi munan. Chimundami paica chairi guambra cacllapiti alli causachun yachachin. Taita Diosca paipu taitacunata uyachun, paipu taitacunamunda yachachunshimi munan (Colosenses 3:20). Ashtaguanshi Taita Diosca paita, paipu churi Jesustashi cazusha contento, alli causachunmi munan. Eclesiastés 11:9–12:1; Mateo 19:13-15 y 21:15, 16​ta liyi.

5. Guaguacuna alli causachunca taitacunaca ¿imatati rrana can?

Taitacunaca guaguacunamuca micunata, churanata, maipi causanatashimi cuna can (1 Timoteo 5:8). Pero chillaca na suficientechu can. Taitacunaca Taita Diosta juyachunmi guaguacunataca yachachina can. Chipuca taitacunarimi Taita Diosmunda yachana can. Chita rricushami guaguacunashi Taita Diosmunda yachangapu munangacuna. Taita Diosmunda Bibliapi yacheshami guaguacunaca alli decisionta japingacuna. Deuteronomio 6:4-7 y Proverbios 22:6​ta liyi.

Taitacunaca guaguacunataca alli guaguami cangui, allitami rracungui nishami felicitana can. Guaguacuna mana alli cosascunapi ama urmachunca taitacunaca consejanami can, guaquinpica asutinashimi urmanga (Proverbios 22:15). Pero asutishashi mana denpuedechu asutina can. Colosenses 3:21​ta liyi.

Testigo de Jehovacunaca taitacunata, guaguacunata ayudangapumi achca librocunata llucchishca. Cai librocunaca Bibliamunda japishcami can. Salmo 19:7, 11​ta liyi.