Qallariynin

Kay libroqa kausayniykipi yanapasunanpaj jina versiculosta facilta tarinaykipaj yanapasonqa. Chantapis kay libroqa wajkunata kallpachanaykipaj jina versiculosta tarinaykipaj yanapasonqa. Ajinamanta paykunata yanapayta atinki Jehovata jatunchanankupaj jina imatapis ajllanankupaj. Chaypajqa imamantachus yachayta munashanki chay palabrata maskʼay, chayman yaykuspataj tarinki tʼukurichisunanpaj jina tapuykunata, wakin versiculosmanta uj chhikan sutʼinchaykunatawan (“¿Imaynatá kay publicacionwan yanapachikuwaj?” nisqa recuadrota leeriy). Kay libroqa yanapasonqa Diospa Palabranpi kallpachasunanpaj jina versiculosta, sumaj yuyaychaykunata ima usqhayllata tarinaykipaj. Bibliaj yuyaychaykunasnenqa qanta yanapasonqa, chay yuyaychaykunawantaj wajkunatapis yanapayta atinki.

Kay libropeqa mana imamantachus yachayta munanki chaymanta tukuynin versiculoschu kashan. Kay libropi rikhurej versiculosqa astawan estudiayta chayri investigayta qallarinaykipaj yanapasonqa (Pr 2:1-6). Uj versiculomanta astawan yachakunaykipajqa chay versiculopi rikhurej juchʼuy letritasninman yaykuspa chaypi rikhurej versiculosta leeriy. Chantapis Biblia de estudio nisqapi sutʼinchaykunata leerillawajtaj. Uj versiculota astawan entiendenaykipaj, imaynatachus chay versiculoman jina ruwanaykitapis yachanaykipaj, Jehovaj testigosnin yachaqanasta maskʼanankupaj nisqa librowan chayri Índice de las publicaciones Watch Tower nisqa librowan yanapachikuwaj. Chaypitaj reciellanraj llojsimoj publicacionesta leeriy, versiculomanta mosoj sutʼinchaykunata yachakunaykipaj.

Munayku kay libro yanapasunanta Diospa Palabranmanta yachakunaykipaj, chayta astawan entiendenaykipaj, yachayniyojtaj kanaykipaj. Kay librowan yanapachikusqaykiman jina, reparanki ‘Diospa palabranqa kausashasqanta, atiyniyojtaj’ kasqanta (Heb 4:12).