¿IMATÁ BIBLIA YACHACHIN?
¿Maymantaj wañuspa rinchej?
WAKIN RUNAS CREENKU wañupuytawanqa waj lugarpi kausashallasqanchejtapuni, wakintaj wañuytawan niña imapis kasqanta. ¿Qanrí imatá niwaj?
BIBLIA NIN
“Wañusqasrí mana imatapis yachankuchu” (Eclesiastés 9:5). Chayrayku wañupuspaqa chinkapunchej.
BIBLIA NILLANTAJ
Bibliaqa nin ñaupa tatanchej Adanqa wañupuspa jallpʼallamantaj kutipusqanta (Génesis 2:7; 3:19). Chayrayku tukuy wañojkunaqa jallpʼallamantaj kutipunku (Eclesiastés 3:19, 20).
Wañupoj runataqa Dios juchanmanta perdonan (Romanos 6:7). Chayrayku wañupojtenqa manaña juchasninmanta castiganchu.
¿Wañusqas kausarimunkumanchu?
¿IMA NIWAJTAJ?
Arí
Mana
Ichapis
BIBLIA NIN
“Tukuy runas wañuymanta kawsarim[ponqanku]” (Hechos 24:15).
BIBLIA NILLANTAJ
Bibliaqa wañuyta puñuywan kikinchan (Juan 11:11-14). Diosqa wañusqasta rijchʼarichiyta atin imaynatachus noqanchej puñushaj runata rijchʼarichiyta atinchej ajinata (Job 14:13-15).
Bibliaqa ashkha runas kausarimusqankumanta parlan, chayrayku creesunman wañusqas kausarimunankutapuni (1 Reyes 17:17-24; Lucas 7:11-17; Juan 11:39-44).