¿Imatá Biblia yachachin?

¿Dios sutiyojchu?

WAKIN RUNAS NINKU mana sutiyoj kasqanta, wakintaj “Dios” chayri “Señor” sutin kasqanta, wakintaj may chhika sutisniyoj kasqanta ninku. ¿Qanrí imatá niwaj?

BIBLIA NIN

“Yachachuncu kan, Jehová sutiyoj, Kanlla Altísimo caskayquita tucuy caypacha patapi” (Salmo 83:18, Biblia Quechua de Cuzce).

BIBLIA NILLANTAJ

• Diosta tukuy imaymanamanta sutichajtinkupis, pay uj sutita churakorqa (Éxodo 3:15).

• Diosqa mana karupichu kashan, astawanpis rejsinanchejta munan (Hechos 17:27).

• Diospa amigon kananchejpajqa sutintaraj yachananchej tiyan (Santiago 4:8).

¿Diospa sutinta oqhariy juchachu?

¿IMA NIWAJTAJ?

• Arí

• Mana

• Ichapis

BIBLIA NIN

“Ama qhasi manakajta oqharinkichu Señorniyki Tata Diospa sutinta” (Éxodo 20:7). Mana allinchu Diospa sutinta pisipaj qhawaspa oqhariy (Jeremías 29:9).

BIBLIA NILLANTAJ

• Jesusqa mayqenchus Diospa sutin kasqanta yacharqa, chaytataj oqharejpuni (Juan 17:25, 26).

• Diosqa sutinta oqharinanchejta niwanchej (Salmo 105:1).

• Diospa enemigosnenqa Diospa sutinta runas qonqapunankuta munanku (Jeremías 23:27).