Tapuykuna

◼ ¿Imatá ruwasunman, pillapis manaña willananchikta kamachiwaptinchik?

Wakin policiasqa, wakin hermanosninchikta runasman willachkaptinku Diospa Reinonmanta manaña runasman willanankuta kamachisqanku suyup kamachiykunasninta pʼakichkasqankuta yuyasqankurayku. Ajinapi rikukuspaqa, kʼachamanta kutichispa mayniqpichus willachkanki chaymanta, usqhayllata ripuy (Mat. 5:41; Fili. 4:5). Ama qamllamanta chay chʼampayta allinchayta maskʼaychu, nitaq policiawan siminakuychu. Astawanpis, atispaqa sutinta, ima comisariapichus llamkʼachkasqanta ima tapuriy. Chaymantataq qutuchakuymanta ancianosman willay, paykuna sucursalman willanankupaq. Jinallatataq ruway juk edificiomanta juk guardia chay edificiopi tiyakuqkunaman mana Bibliamanta willanaykita nisuptin. Miskʼi simiwan policiasman, guardiasman ima kutichiyqa, tukuy runaswan allinpi kawsakunanpaq yanapawanchik (Pro. 15:1; Rom. 12:18).