¿Imatá nisunman revistasta rikuchichkaspa?

Torremanta Qhawaq Octubre-Diciembre

“Tukuypis tukuy imapi allin rinawanchikta munanchik, ¿icharí? Chaypaqtaq, ¿Bibliap yuyaychaykunasnin yanapawasunmanchu? [Kutichinanta suyariy.] Kaymanta imatachus Biblia nisqanta qhawarina [Salmo 1:1-3, ñawiriy]. Kay revistaqa, sapa pʼunchay Bibliata ñawiriy imaraykuchus may allin kasqanta sutʼinchachkan.” Kay 31 paginata rikuchiy.

¡Despertad! Diciembre

“Imatachus Jesús nisqanta ñawiripusuyta munayman [Mateo 5:3, ñawiriy]. Mana wakcha sunquyuq kananchikpaq, nisunman sunqunchikpi Diosmanta mana pisisqas kananchikpaq, ¿mayqin religionllamanpis yaykunachu kanman? [Kutichinanta suyariy.] Kay revistaqa sunqunchikpi Diosmanta mana pisisqas kananchikpaq imatachus ruwananchik kasqanta sutʼinchachkan.” Kay 12 paginata rikuchiy.

Torremanta Qhawaq Enero-Marzo

“¿Biblia yachachisqanmanjinachu iglesiaspi yachachinku? [Kutichinanta suyariy.] Bibliap nisqanqa, llulla yachachiykunawan mana chʼawkiyachikunanchikpaq yanapawanchik [Colosenses 2:8, ñawiriy]. Kay revistaqa, ima suqta yachachiykunachus mana Bibliamantachu kasqanta sutʼinchachkan.”

¡Despertad! Enero

“Saqra pʼunchaykunapi kawsachkanchik, achkha runastaq llamkʼayninkupi achkha ruwanasniyuq kasqankurayku, manaña ni imapaq tiempochakuyta atinkuchu. ¿Ajinallapitaqchu qampis rikukunki? [Kutichinanta suyariy.] Biblia nisqanta qhawarinachik [Eclesiastés 4:6, ñawiriy]. Kay revistaqa llamkʼana kaptinpis, familiapaq, samarikunapaq ima, imaynatachus tiempochakunata sutʼinchachkan, imaynatachus juk llamkʼayta tarinatapis.”