Diosmanta mañakunanchikpuni tiyan
1. Diosmanta runasman willanallanchikpaqpuni, ¿imatataq ruwananchik tiyan?
1 Jehová kallpata quwasqanchikraykulla mPaymanta wak runasman willayta atinchik (2 Cor. 4:7). Payqa, llampʼu sunquyuq runasman chayananchikpaq anmgelesninniqta yanapawanchik (Apo. 14:6, 7). Payllataq, Palabranta mujutajina runap sunqunman tarpusqanchikta wiñachin (1 Cor. 3:6, 9). Chayrayku, may allin Paymanta, runasman willanallanchikpaqpuni yanapata mañakunanchikqa.
2. ¿Imaspi yanapanawanchikpaqtaq Diosmanta mañakusunman?
2 Ñuqanchik kikinchikpaq mañakuna. Diosmanta runasman willamunapaqqa, Paypa yanapayninta mañakunanchikpuni tiyan (Efe. 6:18). ¿Imaspi yanapanawanchikpaqtaq yanapanta mañakusunman? Palabranmanta mana manchachikuspa willamunanchikpaq, runas mana uyariwaptinchikpis kusisqallapuni kananchikpaq ima (Hech. 4:29, 30). Chantá Bibliamanta yachakuyta munaqkunata tarinanchikpaq chayri pillapis willaypi tapuwaptinchik allinta kutichinanchikpaq Diosmanta yanapata mañakusunman (Neh. 2:4, 5). Chantapis kawsayninchikpi willayninchikta ñawpaqman churanallanchikpaqpuni mañakullasunmantaq (Sant. 1:5). Jehovaqa, paymanta willaqta saqiwasqanchikmanta agradecekuptinchik, mayta kusikun (Col. 3:15).
3. ¿Imaynatá wakkunapaq mañapusqanchik, Reinomanta willakunallanpaqpuni yanapan?
3 Wakkunapaq mañapuna. Chantá “ujkuna ujkunapaj Diosmanta maña[kunanchik tiyan]”. Ichá wakin kuti pipaqchus mañapuchkanchik chay hermanop sutinta uqharina kanman (Sant. 5:16; Hech. 12:5). Juk unquyrayku manaña anchata willaq lluqsichkankichu chayqa, pikunachus willaq lluqsichkallankupuni, paykunapaq Diosmanta mañapuwaq. Ama jaykʼaq yuyaychu paykunapaq mañapusqayki qhasi mana kaq kasqanta. Chantapis kay pachamanta kamachiqkuna Diospa Reinonmanta willaqta saqinallawanchikpaqpuni mañakunanchik tiyan, jinamanta “allin kawsakuypi kawsa[kunanchik]paj, ama ima chʼajwapi” (1 Tim. 2:1, 2).
4. ¿Imaraykutaq mana saykʼuspa Diosmanta mañakunanchik tiyan?
4 Jallpʼantinpi Diospa Reinonmanta runaman willayqa, mana juntʼayta atinapaqjinallachu. Chaywanpis,“mana saykʼuspa Diosmanta mañaku[llaptin]chejpuni[qa]”, Jehová Dios chayta ruwananchikpaq yanapawasunchik (Rom. 12:12).