Tapuykuna

◼ ¿Imaynatá yachasunman pikunamanchus publicacionesta saqinanchik kasqanta?

Yachakuyta munasqankuta rikuchiptinku. Tukuy sunqu yachakuyta munasqankuta reparaptinchikqa revistasta, juk folletota, juk librota, ima publicacionwanchus willachkanchik chayta ima saqisunman. Chantá Jallpʼantinpi Reinomanta willakunanpaq, kapusqanmanjina churayta munaptin chayri mana churayta atiptinpis saqillasunmantaq (Job 34:19; Apo. 22:17). Chaywanpis publicacionesninchikta pisipaq qhawaqkunamanqa, mana saqinachu tiyan (Mat. 7:6).

¿Imaynatá reparasunman runa yachakuyta munasqanta? Ñuqanchikwan parlariyta munaptin, parlarisqanchikta allinta uyariptin, tapuykunasninchikman kutichiptin, yuyasqanta parlariptin ima. Bibliata ñuqanchikwan khuska ñawiriptin, Bibliata jatunpaq qhawasqanta rikuchin. Wakin kutiqa, saqichkanchik publicacionta ñawiriyta munanchus manachus chayta tapurina kanman, yachakuyta munasqankuta allinta reparananchik tiyan. Callespi willachkaspa, publicacionesta tukuyman jaywaranaqa mana allinchu kanman. Publicacionesta ñawiriytachus manachus munasqanta mana reparaspaqa, juk invitacionta chayri juk tratadota jaywana kanman.

Chantapis willaqqa, machkha publicacionestachus willananpaq necesitasqallanta qutuchakuymanta urqhunan tiyan, manataq achkha qullqita churasqanmanjinachu. Pachantinpi willakunanpaq qullqita churakusqanqa, mana publicacionesninchik ruwakunallanpaqchu, manaqa pachantinpi tukuy imaymanamanta willakunanpaq. Qullqinchik kawsakunallanchikpaq kapuwaptinchikpis, Reinomanta Jallpʼantinpi willakunallantapuni munasqanchikrayku, kapuwasqanchikmanta tukuy sunqu churasunchik, manataq puchuwasqallanchiktachu (Mar. 12:41-44; 2 Cor. 9:7). Pachantinpi willakunanpaq churakusqan qullqita mana usuchinapaqqa, necesitasqanchik publicionesllata urqhukuna.

[2 paginapi sutʼinchaynin]

Yachakuyta munasqankuta allinta reparananchik tiyan