¿Willaykunata churanapaj tablerota qhawarinchejchu?

Ancianos, siervos ministeriales, qotuchakuypi ruwanasniyoj kajkuna ima, imastachus ruwananku kasqanta yachanankupaj, willaykunata churanapaj tablerota qhawarinku. Chaywanpis chaypi churakusqan willaykunaqa mana paykunallapajchu manaqa tukuypaj. ¿Yachanchejchu maykʼajchus Tantakuna Wasita llimphuchananchej kasqanta? Sucursalmanta chayri qotuchakuykunata waturej hermanomanta, ¿ima cartapis chayamunchu? Bibliamanta yachakojkunata wajyarinapaj, ¿kay semana tukukuyta umallirichiypi imamantachus parlakunanta yachanchejñachu? Tantakuyninchej, chayri willayman llojsinapaj tantakusqanchej ichapis manaña kikin horapichu kanqa, ¿yachanchejñachu? Chaykunataqa manaña plataformamanta willakunchu, nitaj ancianos sapa ujman willariyta atinkuchu. Chayrayku tablerota qhawarej rinanchejpuni tiyan. Willaykunata yachaspaqa, tukuy imata “allinta ruwa[sun], maychus kananta jina” (1 Cor. 14:40).