Yachakojta creeypi saphichasqa kananpaj yanapana

Sapa wata, 250.000 runas jina bautizakunku. Jehovaqa llajtan wiñananpaj maytapuni bendecishan (Deu. 28:2). Ashkha hermanos, uj runata bautizakunanpaj yanapaytawan, wajtañataj yanapanankurayku niña payman Bibliamanta yachachinkuchu. Yachakojpis Diosmanta wajkunaman willamunanrayku, yachakuyta saqepullantaj. Chaywanpis yachakojqa, sinchʼita sayananpaj sumaj saphichasqa, “creeypi kallpacha[sqataj]” kanan tiyan (Col. 2:6, 7; 2 Tim. 3:12). Chayrayku yachakoj bautizasqaña kajtinpis, Yachachin, chantá ‘Diospa munakuynin’ librota tukunankama yachakunan tiyan (2011 abril killamanta Reinomanta Willayninchik hojitapi, 2 paginanta qhawariy).