Aswan sumaj yachachejkuna kana: negociospi willana

¿Imaraykutaj ruwananchejpuni tiyan? Wakin runasqa ashkha horasta trabajanku, paykunamantaj Diosmanta willasunman trabajonkuman rispa. Negociospi willayqa may sumaj, allintaj riwasunman. Imajtinchus runastaqa taripanchejpuni, chantapis paykunaqa qayllaykojkunata kʼachamanta qhawanku rantikoj kasqanta yuyaspa. Chaypi willashajkunaqa imatachus ninankuta yachananku tiyan, maychus kajtataj pʼachallikunanku tiyan (2 Cor. 6:3). Chayrayku, superintendente de servicio nisqaqa qhawarinan tiyan, maykʼajchus chay lugarespi willakusqanta, pikunatajchus willasqankuta.

¿Imaynatá ruwasunman?

Allinta wakichikuna. Trabajajkunawan unayta qhepakusun chayqa, manaña qhepan kutipi rejtinchej uyariyta munawasunchu.
Ima ratochus tiempoyoj kashanku chay horaspi risunman, ichá negociota kicharishajtinku.
Ñaupajtaqa encargadowan kʼachamanta parlarina. Ichá nisunman: “Runasta visitarishayku trabajonkupi, imajtinchus wasinkupi mana taripayta atiykuchu”, nispa. Pisillata parlariy, uj tratadota, revistasta chayri waj publicacionta saqey. Mana paykuna tapuwajtinchejqa ama willanachu qolqeta churananku kasqanta, imajtinchus mana munanchejchu vendejkunawan pantachinawanchejta.
Encargado kʼacha kajtenqa, tapurisunman waj trabajajkunawanpis parlarinapaj. Wakin negociospeqa, allin kanman wakin publicacionesta saqenanchej samarina horaspi leerinankupaj.
Allinta qhawariy. Ichá trabajajqa vendeshan chayri ruwashan, jina kajtenqa suyarina kanman tukuchanankama parlarinapaj.

Killantinta kayta ruway:

Negociospi willaspaqa Familiapi Diosta Yupaychashaspa wakichikuy.