Diosqa bendecin wajkunata yanapajkunata

Mundontinpi ashkha runas mikhunamanta pisisqa kausakunku, wakintaj mana wasiyoj kanku. Wakin runastaj llakikunku imachus qhepaman kananmanta. Diosqa chay runasta yanapajtinchej bendeciwasun.

¿IMATÁ DIOSPA PALABRAN NIN?

“Wajcha runaman jaywarejqa Tata Diosman manurin, Tata Dios kikintaj chay manuta juntʼanqa” (PROVERBIOS 19:17).

¿IMATÁ RUWASUNMAN WAJKUNATA YANAPANAPAJ?

Jesusqa, uj runa imapichus rikukusqanmanta parlarqa. Chay runataqa suwas maqaykuspa parti wañusqata saqerpasqanku (Lucas 10:29-37). Uj kʼacha runataj waj llajtamanta kaspapis chay runata jampiykusqa, cuidasqataj.

Chantapis chay runaqa, chay parti wañusqa runata mana jampillarqachu nitaj yanapallarqachu. Astawanpis sanoyapunankama cuidacherqa.

¿Imatá chaymanta yachakunchej? Jesusqa chaywan yachachisharqa tukuy atisqanchejta ruwananchej kasqanta wajkunata necesitasqankupi yanapanapaj (Proverbios 14:31). Diospa Palabranqa niwanchej Dios tumpamantawan wajcha kausayta, ñakʼariyta ima chinkachinanta. Chaywanpis, ¿imaynatataj, maykʼajtaj chayta Dios ruwanqa? Qhepan yachaqanapi yachakusun imaswanchus Diosninchej bendecinawanchejta.