Cristiano Kausayninchej tantakuypaj referencias
3-9 DE JULIO
BIBLIAMANTA SUMAJ YACHACHIYKUNA | EZEQUIEL 11-14
“¿‘Mosoj sonqoyojchu’ kanki?”
(Ezequiel 11:17, 18) Noqaj sutiypi nillaytaj: Kay jinata Tata Diosqa nin: Noqa Tata Diosmin chay jallpʼasmanta, karu llajtasmanta ima paykunata tantaykamusaj, maykunamanchá paykunata chʼeqeracherqani, chaykunamanta. Paykunata tantaykamuspataj, israelitasman jallpʼasninkuta kutichipusaj. 18 Paykuna llajtankuman kutimpuspa, chinkachenqanku kay jallpʼapi millay ruwaykunata, lanti yupaychaykunata ima.
w07-S 1/7 pág. 11 párr. 4
Ezequiel libromanta wakin yachachiykuna (ñaupaj kaj)
Kay 612 watapi profeta Ezequiel mosqoypi jina Jerusalenpi Diospa Templonta rikorqa. Imaschus templopi pasashasqanmantataj millachikorqa. Jehovaqa payta wasanchajkunata chinkachenqa Jesusnejta, ajllasqa cristianos nejta ima. Pikunachus frentesninkupi marcayoj chayrí señalniyoj kajkunallataj salvakonqanku (Ezequiel 9:2-6). Niraj chayta ruwashaspataj Jehovaqa “nina brasasta” llajta pataman qhalliykuchenqa, nisunman ñaupajtaqa payta wasanchajkuna chinkachisqa kanankutaraj willachenqa (Ezequiel 10:2). Jehová sajra runasta chinkachinanta nejtinpis, payqa chʼeqerasqa Israelta tantananta nin (Ezequiel 11:17-21).
(Ezequiel 11:19) Noqaqa paykunamanta chay rumi sonqo kayninkuta orqhosaj; mosoj espirituta, mosoj sonqotawan paykunaman qosaj.
¿Imaynatá ajllanchej?
9 Jesús jina ruwasunchej, Jehová yanapanawanchejpitaj atienekusunchej chayqa sumajta ajllasunchej. Biblia nin: “Tukuy sonqoykiwan Tata Diospi atienekuy; ama qampa yachasqallaykipeqa atienekuychu. Tukuy ima ruwasqaykipi Tata Diosmantaqa yuyarikuy. Paymin cheqan ñanta pusasonqa. Ama may yachayniyoj kasqaykita yuyakuychu. Tata Diosta manchachikuy, sajra kajmantataj tʼaqakuy”, nispa (Pro. 3:5-7). Bibliata estudiaspa, imatachus Jehová yuyasqanta rejsispa ima, yachasunchej imatachus pay ruwananchejta munasqanta. Imatachus Jehová yuyasqanta astawan rejsispataj, kusichinapaj jina imatapis ajllayta atillasunchej. Kamachiykunasnintapis tukuy sonqo kasukusunchej (Eze. 11:19).
(Ezequiel 11:20) Chantá paykuna leyesniyman jina kawsanqanku, kamachisqasniyman jinataj purenqanku, juntʼanqankutaj. Paykunaqa aylluy kanqanku, noqataj paykunaj Diosninku kasaj.
Sumaj yachachiykunata maskʼana
(Ezequiel 12:26-28) Este versículo está unido al siguiente. 27 Tata Diosqa parlamuwaspa, niwarqa: Runaj Churin, Israelmanta kaj runasqa nishanku: Kay profetaj mosqoypi jina rikusqanqa unaymantaraj juntʼakonqa; unay tiempopi juntʼakunampaj kayqa sutʼinchakun, nispa. 28 Chayrayku paykunaman niy: Tata Diosqa kay jinata nin: Nisqasneyqa mana unaymantachu juntʼakonqa; imatachus nisaj, chayqa usqhayllata juntʼakonqa, nispa nin Tata Diosqa.
w07-S 1/7 pág. 13 párr. 8
Ezequiel libromanta wakin yachachiykuna (ñaupaj kaj)
12:26-28. Profeta Ezequielqa willasqanmanta asikojkunaman nerqa: “Nisqasneyqa mana unaymantachu juntʼakonqa; imatachus nisaj, chayqa usqhayllata juntʼakonqa, nispa nin Tata Diosqa”, nispa. Niraj qhepa pʼunchaykuna tukukushajtin, tukuy atisqanchejta kallpachakuna, wajkunata yanapanapaj Jehovapi atienekunankupaj.
(Ezequiel 14:12-14) Este versículo está unido al siguiente. 13 Tata Diosqa parlamuwaspa, niwarqa: Runaj Churin, sichus kay runasqa mana kasuta ruwawaspa contrayta juchallikunku chayqa, noqa contrankuta oqharikusaj paykunata castiganaypaj. Mikhuna tantakusqankuta qhechusaj, yarqhayta chay llajtaman apachimusaj, wañurachisajtaj runasta, jinallataj uywastawan. 14 Kay kinsa runaschus chay llajtapi kashankuman, Noe, Daniel, Job ima chayqa, paykunalla kinsantinku salvasqa kankuman cheqan runas kasqankurayku. Noqa Tata Diosmin chayta nini.
Jehová tukuy ima yanapasta qowasqanchejwan yanapachikuna
13 Sutʼincharinapaj, Ezequiel 14:12-14 versículos nisqanta qhawarina. Chaypi nin: “Sichus kay runasqa mana kasuta ruwawaspa contrayta juchallikunku chayqa, noqa contrankuta oqharikusaj paykunata castiganaypaj. Mikhuna tantakusqankuta qhechusaj, yarqhayta chay llajtaman apachimusaj, wañurachisajtaj runasta, jinallataj uywastawan. Kay kinsa runaschus chay llajtapi kashankuman, Noé, Daniel, Job ima chayqa, paykunalla kinsantinku salvasqa kankuman cheqan runas kasqankurayku. Noqa Tata Diosmin chayta nini”, nispa. Kayta astawan estudiaspaqa yachakunchej Ezequiel kay versiculosta qhelqasqanta 612 wata chaynejpi Jesús niraj jamushajtin. Noé, Job ima may unayña wañupojtinkupis Jehovaqa yuyarikullarqapuni, payman cheqa sonqos kasqankuta. Chaywanpis Danielqa kausashallarqaraj. Ichapis 20 watasniyojllaraj kasharqa, Noé jina, Job jina cheqan runa kasqanta Jehová nishajtin. ¿Imatataj chaymanta yachakunchej? Jehovaqa tukuy cheqa sonqo kamachisninta may allinpaj qhawasqanta, jóvenes chayri machitus kajtinkupis (Sal. 148:12-14).
w07-S 1/7 pág. 13 párr. 9
Ezequiel libromanta wakin yachachiykuna (ñaupaj kaj)
14:12-23. Salvakunanchejqa sapa ujmanta kashan. Ni pitaj imatapis ruwayta atinmanchu noqanchej salvakunanchejpaj (Romanos 14:12).
Bibliata leenapaj
(Ezequiel 12:1-10) Este versículo está unido al siguiente. 2 Tata Diosqa parlamuwaspa, niwarqa: Qan Runaj Churin, mana kasukoj runas chawpipi tiyakushanki. Paykunaqa ñawisniyoj kanku, manataj rikunkuchu. Ninriyoj kanku, manataj uyarinkuchu, imaraykuchus contrayta oqharikoj runas kanku. 3 Chayrayku, qan Runaj Churin, tukuy imata wakichiy, rikunankuta waj llajtaman ripunaykipaj jina llojsispa. Tukuypa rikunanta chawpi pʼunchayta wasiykimanta llojsispa, wajnejman ripuy. Ichapis ajinamanta entiendenqanku, contrayta oqharikoj runas kashaspapis. 4 Chawpi pʼunchayta, tukuy rikushasojtinku, tukuy imasniykita orqhoy, waj nacionman preso apasqa runapis kawaj jina. Tardempitaj tukuypa rikunanta waj nacionman preso apasqa runa jina llojsipuy. 5 Chantá tukuyninkoj rikunanta perqapi uj qhanqa juskʼuta kichariy, chaynintataj tukuy imasniyki aparisqa llojsinki. 6 Laqhayaykojtintaj, tukuyninkoj rikunanta qʼepiykita oqhariykukuspa, puririy. Uyaykita qhatakuy ama llajtata rikunaykipaj. Ajinamanta Israel ayllu reparanampaj uj señal kanki, nispa niwarqa Tata Diosqa. 7 Jinataj noqa qʼepichakorqani Tata Diospa kamachiwasqanman jina. Pʼunchaytaj qʼepiyta qʼepiriykukuspa llojserqani, waj nacionman preso apasqa runapis kayman jina. Tardentaj perqata juskʼorqani. Laqhayaykojtintaj, tukuyninku qhawashawajtinku, tukuy imasniyta qʼepiriykukuspa, llojserqani. 8 Esta unido al siguiente versículo. 9 Qʼayantin paqarenqa Tata Dios parlamuwaspa, niwarqa: Runaj Churin, contrayta oqharikoj Israel aylloqa manachu tapurisunku: Imata ruwashankiri? nispa? 10 Paykunaman niy: Tukuyta Kamachej Tata Diosqa kayta nin: Kay sutʼinchayqa Jerusalenpi kuraj kajpaj, chantá kay jallpʼapi tiyakushanku, chay tukuy israelita runaspajwan, nispa.
10-16 DE JULIO
BIBLIAMANTA SUMAJ YACHACHIYKUNA | EZEQUIEL 15-17
“¿Imatachus nisqaykita juntʼankichu?”
(Ezequiel 17:1-4) Tata Diosqa parlamuwaspa, niwarqa: Runaj Churin, Israel aylluman uj rijchʼanachinata parlay. 3 Esta unido al siguiente versículo. 4 Paykunaman niy: Tukuyta Kamachej Tata Diosqa kayta nin: Uj manchay jatun anka Libanoman chayamusqa. Lijrasnenqa manchay jatuchaj, saytʼustaj kasqanku, tukuy laya color phurusniyojtaj. Jinapi uj cedro sachʼaj puntanta japʼispa, aswan jatun kaj ramanta pʼakisqa. Chantá qhatojkunaj jallpʼankuman chay ramata apaspa, uj llajtaman plantaykusqa.
w07-S 1/7 pág. 12 párr. 6
Ezequiel libromanta wakin yachachiykuna (ñaupaj kaj)
17:1-24. ¿Pikunataj jatuchaj ancas chayrí águilas kanku? ¿Ima niyta munan “cedro sachʼaj puntanta japʼispa, aswan jatun kaj ramanta” pʼakisqan? ¿Pitaj aswan jatun kaj qʼomer puntanmanta pʼakisqa ramita? Iskaynin águilas chayrí ancasqa Babiloniaj reyninwan, Egiptoj reyninwan ninakun. Ñaupaj kaj aguilaqa cedro sachʼaj puntanman tiyaykorqa, nisunman Davidpa mirayninmanta kamachejman. Chay aguilaqa “cedro sachʼaj puntanta japʼispa, aswan jatun kaj ramanta” pʼakerqa. Chaytaj ninakorqa rey Joaquinpa cuentanmanta rey Sedequías yaykusqanwan. Sedequiasqa Babiloniata mana wasanchananpaj tratota ruwaspapis, Babiloniaman mana apanankupaj ujnin aguilaj yanapayninta maskʼarqa, nisunman Egiptomanta rey Faraonpa yanapayninta. Jinapis Faraonqa mana yanaparqachu. Sedequistaqa Babiloniaman presota jina aparqanku, chaypitaj wañucherqanku. Jehovapis cedroj aswan jatun kaj qʼomer puntanta pʼakiraspa, nisunman Cristoj makinpi Reinota, “manchay jatun orqo pataman” plantaykorqa, chaytaj manchay sumaj cedroman tukunan karqa, nisunman jallpʼaman sumaj bendicionesta apamunan karqa (Apocalipsis 14:1).
(Ezequiel 17:7) Waj anka kallasqataj aswan jatumpuni, jatuchaj lijrasniyoj, ashkha phurusniyojtaj. Chaypacha uva sachʼaqa chay ankaj ladonman, saphisninta, ramasninta ima wiñachisqa, yakuwan qarpasqa kanampaj.
(Ezequiel 17:15) Chay churasqan reyrí Babiloniamanta reypa contranta oqharikuspa, Egiptoman runasta kacharqa, ashkha caballosta, ashkha soldadostawan apachimunanta mañaspa. Allinchu paypaj kanman? Chay imasta ruwajqa atinmanchu lluspʼiyta? Pichus tratota pʼakejqa atinmanchu ayqeyta?
w07-S 1/7 pág. 12 párr. 6
Ezequiel libromanta wakin yachachiykuna (ñaupaj kaj)
17:1-24. ¿Pikunataj jatuchaj ancas chayrí águilas kanku? ¿Ima niyta munan “cedro sachʼaj puntanta japʼispa, aswan jatun kaj ramanta” pʼakisqan? ¿Pitaj aswan jatun kaj qʼomer puntanmanta pʼakisqa ramita? Iskaynin águilas chayrí ancasqa Babiloniaj reyninwan, Egiptoj reyninwan ninakun. Ñaupaj kaj aguilaqa cedro sachʼaj puntanman tiyaykorqa, nisunman Davidpa mirayninmanta kamachejman. Chay aguilaqa “cedro sachʼaj puntanta japʼispa, aswan jatun kaj ramanta” pʼakerqa. Chaytaj ninakorqa rey Joaquinpa cuentanmanta rey Sedequías yaykusqanwan. Sedequiasqa Babiloniata mana wasanchananpaj tratota ruwaspapis, Babiloniaman mana apanankupaj ujnin aguilaj yanapayninta maskʼarqa, nisunman Egiptomanta rey Faraonpa yanapayninta. Jinapis Faraonqa mana yanaparqachu. Sedequistaqa Babiloniaman presota jina aparqanku, chaypitaj wañucherqanku. Jehovapis cedroj aswan jatun kaj qʼomer puntanta pʼakiraspa, nisunman Cristoj makinpi Reinota, “manchay jatun orqo pataman” plantaykorqa, chaytaj manchay sumaj cedroman tukunan karqa, nisunman jallpʼaman sumaj bendicionesta apamunan karqa (Apocalipsis 14:1).
(Ezequiel 17:17-19) Este versículo está unido al siguiente. 18 Wañuchinaku maqanaku ratopitaj Faraonqa mana paytaqa yanapanqachu jatun atiyninwan, nitaj runaswampis, maypachachus jallpʼa moqosta, perqastataj muyuynimpi sayarichenqa ashkha runasta wañurachinampaj chaypacha. Chayqa ajina kanqa, imaraykuchus Israelpa reynin jurasqanmanta asiykukuspa, trato ruwasqanta pʼakerqa. Makinta jaywaspaña kunan kay tukuy imasta ruwasqanrayku wañuymantaqa mana lluspʼenqachu. 19 Tukuyta Kamachej Tata Diosqa nin: Kawsayniyrayku jurani: Paywan juramentota ruwasqayta pisipaj qhawaspa, tratota ruwasqayta pʼakerqa. Chayrayku paymanta cuentata mañasaj.
w12 15/10 pag. 30 párr. 11
Arí nisqaykichejta juntʼaychejpuni
11 ¿Imaraykutaj Jehová chay runaspa kausayninkumanta Palabranpi qhelqacherqa? ¿Imaraykutaj arí nisqanchejta juntʼananchejpuni tiyan? Bibliaqa “nisqankuta mana juntʼajkuna [...] wañunankupaj juchachasqa kasqankuta” sutʼita nin (Rom. 1:30-32). Arí nisqankuta mana juntʼajkunaqa Egiptomanta faraón, Judamanta rey Sedequías, Ananías, Safira ima karqanku. Mana juntʼasqankurayku ñakʼarisqankoqa, mana paykuna jina ruwanata yachachiwanchej (Éxo. 9:27, 28, 34, 35; Eze. 17:13-15, 19, 20; Hech. 5:1-10).
w88-S 15/9 pág. 17 párr. 8
Jehová espadanta jallchʼananmanta sikʼin
8 Jehovaqa Babiloniamanta, Egiptomantawan reyesta aguilaswan kikincharqa. Ujnin aguilaqa cedro sachʼaj puntanta pʼakerqa, chaytaj rey Joaquinpa cuentanmanta rey Sedequías yaykusqanwan ninakorqa. Sedequías rey Nabucodonosorman jurarqa mana wasanchananta, jinapis Egiptoj yanapayninta maskʼaspa chay jurasqanta mana juntʼarqachu. Sedequiasqa Diospa sutinpi juraspa Diosta jatuncharqa, jurasqanta mana juntʼaspataj Diospa sutinta pisipaj qhawacherqa. Noqanchejpis imatachus nisqanchejta juntʼananchejpuni tiyan, ajinamanta mana Sedequías jina Diospa sutinta pisipaj qhawachinapaj. Jehovaj Testigosnin kasqanchejta may valorniyojpaj qhawananchej tiyan, imaraykuchus sutinwan rejsisqas kanchej (Ezequiel 17:1-21).
Sumaj yachachiykunata maskʼana
(Ezequiel 16:60) Noqatajrí sipas kashajtiyki qanwan tratota ruwasqaymanta yuyarikusaj, chantá waj tratota qanwan wiñaypaj ruwasaj.
w88-S 15/9 pág. 17 párr. 7
Jehová espadanta jallchʼananmanta sikʼin
7 Judá llajtapi tiyakojkunaj juchasninkurayku, chay llajtata mana allinta poqoj uva sachʼawan kikinchakorqa, chay sachʼaqa ni imapaj sirvej karqa (Ezequiel 15:1-8). Judá llajtataqa Egiptomanta Dios salvasqan wajcha wawawan kikinchakullarqataj, chay wawataqa Jehová uj sumaj warmi kanan kama uywarqa. Ajinamanta Judá llajtaqa Jehovaj warminman jina tukorqa. Jinapis watejmanta llulla diosesta yupaycharqa, Diosta wasanchasqanraykutaj chinkachisqa karqa. Ajina kajtinpis Jehovaqa payta kasukojkunawan wiñaypaj tratota ruwanan karqa, nisunman ajllasqa cristianoswan (Ezequiel 16:1-63; Jeremías 31:31-34; Gálatas 6:16).
(Ezequiel 17:22, 23) Tukuyta Kamachej Tata Diosqa nillantaj: Aswan jatun kaj cedro sachʼaj puntanta pʼakiraspa plantaykusaj; aswan jatun kaj qʼomer puntanta pʼakiraspa, chayta noqa kikiy plantaykusaj manchay jatun orqo pataman. 23 Israelpi aswan jatun orqopi plantasaj. Chantá ramasnin may jinata thansarenqa, poqonqataj; manchay sumaj cedromampuni tukonqa. Tukuy laya animales llanthun urapi kakonqanku, tukuy laya pʼisqostaj ramasnimpi thapachakonqanku.
w07-S 1/7 pág. 12 párr. 6
Ezequiel libromanta wakin allin yachachiykuna (ñaupaj kaj)
17:1-24. ¿Pikunataj jatuchaj ancas chayrí águilas kanku? ¿Ima niyta munan “cedro sachʼaj puntanta japʼispa, aswan jatun kaj ramanta” pʼakisqan? ¿Pitaj aswan jatun kaj qʼomer puntanmanta pʼakisqa ramita? Iskaynin águilas chayrí ancasqa Babiloniaj reyninwan, Egiptoj reyninwan ninakun. Ñaupaj kaj aguilaqa cedro sachʼaj puntanman tiyaykorqa, nisunman Davidpa mirayninmanta kamachejman. Chay aguilaqa “cedro sachʼaj puntanta japʼispa, aswan jatun kaj ramanta” pʼakerqa. Chaytaj ninakorqa rey Joaquinpa cuentanmanta rey Sedequías yaykusqanwan. Sedequiasqa Babiloniata mana wasanchananpaj tratota ruwaspapis, Babiloniaman mana apanankupaj ujnin aguilaj yanapayninta maskʼarqa, nisunman Egiptomanta rey Faraonpa yanapayninta. Jinapis Faraonqa mana yanaparqachu. Sedequistaqa Babiloniaman presota jina aparqanku, chaypitaj wañucherqanku. Jehovapis cedroj aswan jatun kaj qʼomer puntanta pʼakiraspa, nisunman Cristoj makinpi Reinota, “manchay jatun orqo pataman” plantaykorqa, chaytaj manchay sumaj cedroman tukunan karqa, nisunman jallpʼaman sumaj bendicionesta apamunan karqa (Apocalipsis 14:1).
Bibliata leenapaj
(Ezequiel 16:28-42) Chaywan mana sajsakuspataj, asirioswanñataj khuchichakorqanki; chaywampis nillataj sajsakorqankichu. 29 Qhatojkunaj jallpʼanku Babiloniawampis khuchichakullarqankitaj. Ni chaywampis sajsakorqankichu. 30 Noqa Tukuyta Kamachej Tata Diosqa nini: Pisi kallpa sonqo kasqaykirayku mana pʼenqakuyniyoj phisu warmi jina purerqanki. 31 Jatun ñan qallariypi lantispaj capillasta ruwarqanki, tukuy plazaspitaj altaresta ruwakorqanki. Phisu warmimanta nisqaqa aswan mana allin karqanki; mana pagallamanta chayta ruwarqanki. 32 Qosanta wasanchaj warmi, qosaykiwan kanaykimantaqa astawan munanki wajkunawan kayta. 33 Phisu warmimanqa qharis paqanku; qantajrí tukuy munapayasojkunaman tʼinkata qorqanki, pagarqankitaj tukuynejmanta qanwan juchallej jamunankupaj. 34 Khuchichakusqaykipeqa waj phisu warmismanta nisqaqa uj jinatataj ruwarqanki. Mana pipis maskʼasorqachu qanwan kanampajqa, astawampis qanmari paykunaman paganki. Ajinapi waj phisu warmismantaqa uj jina kanki. 35 Esta unido al siguiente versículo. 36 Chayrayku, phisu warmi, uyariy Tata Diospa nisqanta: Tukuyta Kamachej Tata Dios nisunki: Qanqa mana pʼenqakuspa cuerpoykita qʼalakunki munapayasojkunawan kanaykipaj, jinataj millay lantisniykiwan ima kanaykipaj. Jinataj wawasniykej yawarninta jichʼarqanki, chay lantisman paykunata uywa wañuchisqa qʼolachinata jina jaywaspa. 37 Chayrayku, pistachus munakusorqanku, chay tukuyta noqa tantaykusaj, pikunatachus munakorqanki, chantá pikunatachus chejnikorqanki, chay tukuyta. Paykunataqa muyuyniykiman tantaykuspa, paykunaj rikunankuta qʼalasqayki, paykuna qʼalallata qhawasunankupaj. 38 Casarakuspaña waj qhariwan khuchichakoj warmita jina castigasqayki, runa wañuchita jinataj. Phiñakuyniypi venqakuywan, celosakuyniywantaj qanta wañuchichisqayki. 39 Paykunaj makinkuman jaywaykusqayki, paykunataj khuchichakunayki cheqasta, lantista yupaychanayki cheqastawan thuñiykonqanku. Chantá pʼachasniykita lluchʼusonqanku; walqasniykita qhechususpa, qʼalallata saqerpayasonqanku. 40 Chantá ashkha runasta contraykita pusaykamusonqanku. Rumiswan chʼanqaykusonqanku, espadasninkuwantaj pasarparichisonqanku. 41 Wasisniykitapis ninawan ruphaykuchenqanku. Ashkha warmispa rikunankuta jasutʼisonqanku. Ajinata khuchichakuypi purinaykita tukuchisaj, manañataj ujtawampis tiyapususqantaqa qanwan khuchichakojkunaman pagankichu. 42 Chaypachataj phiñakuyniyta qampi thasnukusaj, celosakuyniypis manaña kanqachu. Samarikusaj, manañataj astawampis phiñakusajchu.
17-23 DE JULIO
BIBLIAMANTA SUMAJ YACHACHIYKUNA | EZEQUIEL 18-20
“Jehovaqa juchasninchejta perdonaspa manaña yuyarikunchu”
(Ezequiel 18:19, 20) Qankuna tapukunkichejchari: Imaraykutaj churenqa tatampa juchasninmanta mana paganmanchu? nispa. Imaraykuchus churenqa maychus kajta, cheqanta ruwarqa. Tukuy leyesniyta kasorqa, juntʼarqataj. Chayrayku payqa kawsanqa. 20 Pichus juchallikoj runaqa wañonqa. Wawaqa tatampa juchanmanta mana paganqachu, nitaj tatapis wawampa juchanmanta. Cheqan kaj runaqa cheqan ruwasqanmanta tʼinkata japʼenqa. Sajra kawsayniyoj runatajrí sajra ruwasqanmanta ñakʼariyta japʼenqa.
Dios perdonaspa manaña yuyarikunchu
Jehovaqa, profeta Ezequielnejta Judata, capitalnin Jerusalentawan juchacharqa. Imaraykuchus chay llajtaspi tiyakojkuna cheqa yupaychaymanta karunchakorqanku, sajra ruwaymantaj urmarqanku. Jehovaqa, Jerusalenta babilonios chinkachinanta nishaspa, sapa uj runata imatachus ruwasqanman jina juzgananta nillarqataj (19, 20 versículos).
(Ezequiel 18:21, 22) Chaywampis sajra kawsayniyoj runachus tukuy juchallikuyninmanta tʼaqakuspa kutirimpun, kamachisqasniyta juntʼaspataj, cheqan kajta, maychus kajtataj ruwan chayqa, cheqamanta kawsanqa, manataj chay juchanrayku wañonqachu. 22 Noqataj tukuy juchallikusqanmanta mana yuyarikusajchu. Payqa kawsanqa cheqan kajta ruwasqanrayku.
Dios perdonaspa manaña yuyarikunchu
Chantapis pillapis sajra ruwasqasninmanta pesachikojtin, ¿imataj paywan kanman karqa? Iskay chunka ujniyoj versiculopi Dios nerqa: “Sajra kawsayniyoj runachus tukuy juchallikuyninmanta tʼaqakuspa kutirimpun, kamachisqasniyta juntʼaspataj, cheqan kajta, maychus kajtataj ruwan chayqa, cheqamanta kawsanqa, manataj chay juchanrayku wañonqachu”, nispa. Rikunchej jina Jehová Diosqa, sajra ruwayninmanta kutirikojta “perdonana[n]paj wakichisqa” kashan (Salmo 86:5).
¿Chantá juchachakusqasninrí? Chaymanta iskay chunka iskayniyoj versiculopi nillanpuni: “Noqataj tukuy juchallikusqanmanta mana yuyarikusajchu”, nispa. ¿Ima ninayantaj “mana yuyarikusajchu” rimay?
Uj yachayniyoj runa nisqanman jina hebreo qallupi Bibliapi “yuyarikusajchu” rimayqa, mana juchanmanta watejmanta yuyarikuyllachu niyta munan, manaqa yuyarikuytawankama chayman jina ruway niyta munallantaj. Chayrayku nisunman ‘yuyarikuy’ rimayqa ruway rimaywan khuskachasqa jina kasqanta. Jehová Diosqa, juchallikoj pesachikojtin manaña juchanta yuyarikonqachu, nitaj imatapis contranpi ruwanqachu, nisunman manaña castiganqachu.
Ezequiel 18:21, 22 versiculospi Jehovaj perdonnin imaynapunichus kasqanta sutʼinchan. Jehová Dios, pillatapis juchanmanta pesachikojtin perdonan chayqa, manaña yuyarikunchu. Astawanqa, qonqayman churan (Isaías 38:17). Chay juchamantaqa, mana ni jaykʼajpis yuyarikonqañachu (Hechos 3:19, 20).
Juchasapa runas kasqanchejrayku, sapa kuti pantanchej chayraykutaj Diospa khuyakuyninta necesitanchej (Romanos 3:23). Chaywanpis Jehová Diosqa, tukuy sonqo pesachikojkunata perdonananpaj wakichisqa kashasqanta yachananchejta munan. Chantapis juchanchejta perdonaspaqa, manaña yuyarikullanpunichu, chay juchamanta castiganawanchejpaj. ¡Chaymá may sumajqa! ¿Manachu chay jina khuyakuyniyoj Diosman qayllaykuyta munawaj?
(Ezequiel 18:23) Noqaqa manapuni munanichu juchallikoj runa wañunanta, manachayqa munani juchanmanta kutirimpunanta, kawsanantataj. Tukuyta Kamachej Tata Diosmin chaytaqa nini.
(Ezequiel 18:32) Noqa manapuni munanichu ni pi wañunanta. Chayrayku juchaykichejmanta tʼaqakuspa, noqaman kutirikamuychej kawsanaykichejpaj, nispa nin Tukuyta Kamachej Tata Diosqa.
¿Imaynatá Armagedonta suyananchik tiyan?
Diosninchik Juez kasqanrayku, saqra runasta juzgasqanqa, maychus kaqmanjinapuni kanqa. Abraham Jehovata jinata tapurqa: “Qan kanki kay pachantinta juzgaj. Chayrayku, manachu cheqan kajtapuni ruwanayki tiyan?”, nispa. Abrahamtaq, Jehová chiqan kaqtapuni ruwasqanta qhawarqa (Génesis 18:25). Biblia nisqanmanjina, Jehovaqa, mana juchasapa runasta wañuchispa kusikunchu, payqa, saqra ruwayninkumanta manapuni kutirikuptinkulla wañuchin (Ezequiel 18:32; 2 Pedro 3:9).
w06-S 1/12 pág. 27 párr. 11
¿Ima niyta munan runamasinchejta munakuy?
11 Jehová jina payta mana yupaychaj runasta munakusqanchejta rikuchisunman. Jehovaqa sajra ruwaykunata chejnikun, jinapis munan juchachakojkuna, sajra kausayninkuta cambianankuta, wiñaypajtaj kausakunankuta (Ezequiel 18:23). Jehovaqa Astawan “munan tukuy pesachikunankuta” (2 Pedro 3:9). “Payqa munan tukuy laya runas salvasqa kanankuta, cheqa kajtataj allinta rejsinankuta” (1 Timoteo 2:4). Chayrayku Jesús kamachiwanchej runasman predicananchejta, yachachinanchejta ima, tukuy laya runastataj yachachisqasninman tukuchinanchejta (Mateo 28:19, 20). Chay llankʼaypi yanapakuspaqa Jehovata, runamasisninchejta munakusqanchejta rikuchinchej, jinallataj enemigosninchejtapis.
Sumaj yachachiykunata maskʼana
(Ezequiel 18:29) Chaywampis Israel aylloqa nin: Tata Diospa ruwasqanqa mana cheqanchu, nispa. Israel, ruwasqasneyqa manachu cheqan kanku? Astawampis qankunaj ruwasqasniykichejmari mana cheqanchu kashan.
Ni jaykʼaj Jehovapaj phiñakunachu
9 Mana tukuy imatachu sutʼita yachanchej. Ezequielpa tiemponmanta israelitasqa mana tukuy imatachu sutʼita yachaspa, “Tata Diospa ruwasqanqa mana cheqanchu”, nispa nerqanku (Eze. 18:29). Chayta nispaqa imachus cheqan kasqanta yuyasqankuman jinalla, pisita yachasqankuman jinallataj Diosta juzgasharqanku. Noqanchejpis, wakin kutipeqa Bibliapi leesqanchejmanta chayri kausayninchejpi imaspichus rikukushasqanchejmanta, mana tukuy imatachu entiendeyta atisunman. Chayraykutaj, ichapis sonqonchejpi nisunman: “Tata Diospa ruwasqanqa mana cheqanchu”, nispa (Job 35:2).
(Ezequiel 20:49) Chantá noqa nerqani: Ay Tukuyta Kamachej Tata Dios, runasqa noqamanta ninku: Kay runaqa rijchʼanachinasllata parlan, nispa.
w07-S 1/7 pág. 14 párr. 3
Ezequiel libromanta wakin allin yachachiykuna (ñaupaj kaj)
20:1, 49. Israelmanta kurajkunaqa mana Ezequielpa nisqanta valecherqankuchu, ajinamantataj rikucherqanku Ezequielpa nisqanmanta iskayrayasqankuta. Ni jaykʼaj iskayrayanachu Jehová kay tiempopi imatachus niwasqanchejmanta.
Bibliata leenapaj
(Ezequiel 20:1-12) Qanchis kaj watapi, phishqa killamanta chunka pʼunchay kashajtin, Israelpa kuraj runasninmanta wakin jamorqanku Tata Diosta tapurikoj, ñawpaqeypitaj tiyakorqanku. 2 Chantá Tata Diosqa parlamuwaspa, niwarqa: 3 Runaj Churin, Israelpa kuraj runasninman niy: Tukuyta Kamachej Tata Diosqa kayta nisunkichej: Qankunaqa noqata tapurikuwajchu jamunkichej? Noqa, Tukuyta Kamachej Tata Diosqa kawsayniyrayku jurani: Mana qankunata uyarisqaykichejchu. 4 Runaj Churin, paykunata qan juzgay. Ari, paykunata juzgaspa, uyanchay ñawpa tatasninkoj millay imasta ruwasqasninkumanta. 5 Noqamanta paykunaman niy: Tukuyta Kamachej Tata Diosqa kay jinata nin: Israelta ajllakorqani chaypachaqa, makiyta oqharispa, Jacobpa ayllunman jurarqani, Egiptopitaj paykunaman rejsichikorqani. Chantá juraspa nerqani: Noqa Señorniykichej Tata Diosmin kani, nispa. 6 Chay pʼunchaypi juraspa nillarqanitaj Egiptomanta paykunata orqhonayta, pusanaytataj, noqa paykunapaj ajllarqani, chay jallpʼaman, maypichus lechewan miskʼiwanqa yaku jina puririshan, chaytaj tukuy jallpʼasmanta aswan sumajpuni, chayman. 7 Chaypacha paykunata kamacherqani: Sapa ujniykichejqa atienekusqaykichej millay lantisniykichejta wijchʼuraychej, amataj chʼichichakuychejchu Egiptoj lantisninwan, imaraykuchus noqa Señorniykichej Tata Diosmin kani, nispa. 8 Paykunatajri contraypi oqharikorqanku, manataj uyariwayta munarqankuchu. Atienekusqanku millay lantisninkumanta ni pipis tʼaqakorqachu, nitaj Egiptopi kaj lantistapis saqerqankuchu. Chayrayku noqa yuyarqani kʼajaj phiñakuyniyta patankuman urmachiyta, phiñakuyniyta paykunapi thasnukunaypaj Egipto jallpʼapi. 9 Chay tukuywampis sutiyta munakusqayrayku mana chayta ruwarqanichu noqamanta ama sajrata parlanankupaj chaypi kaj naciones, mayqenkunaj rikunantachus rejsichikorqani israelitasta Egiptomanta orqhomuspa, chaykuna. 10 Chayrayku Egipto jallpʼamanta israelitasta orqhospa, paykunata chʼin pampaman pusarqani. 11 Chaypi leyesniyta paykunaman yachacherqani, kamachisqasniytapis rejsicherciani, chaykunata pipis juntʼajqa kawsanampaj. 12 Chantápis, paykunaman qollarqanitaj samarikuna pʼunchayniyta, paykunawan trato ruwasqaymanta uj señal kanampaj, yachanankupajtaj noqa Tata Dios paykunata noqapaj tʼaqasqayta.
24-30 DE JULIO
BIBLIAMANTA SUMAJ YACHACHIYKUNA | EZEQUIEL 21-23
“Wakichisqa kajlla kamachenqa”
(Ezequiel 21:25) Qampajrí, Israelpa reynin, runa wañuchi sajra rey, castigasqa kanayki pʼunchayqa qayllamunña, sajra imasta ruwanayki tukukunampaj.
w07-S 1/7 pág. 13 párr. 11
Ezequiel libromanta wakin allin yachachiykuna (ñaupaj kaj)
Israelitas Babiloniaman apasqa kasqankumanta qanchis kaj watanman, nisunman 611 watapi (J.n.j.) “Israelpa kuraj runasninmanta wakin jamorqanku Tata Diosta tapurikoj”. Ezequieltaj paykunaman nerqa ashkha kutispi juchallikusqanta, Jehovataj paykunaj contrankupi espadanta jallchʼananmanta orqhonantawan (Ezequiel 20:1; 21:3). Jehovaqa rey Sedequiasman nerqa: “Uma maytʼukunaykita, pilluykita ima orqhokuy, tukuy imataj waj jina kanqa. Pisipaj qhawasqa kajqa pataman oqharisqa kanqa, jatumpaj qhawasqa kajtaj kʼumuykuchisqa kanqa. Tukuyta thuñisaj; allin thuñisqatapuni saqesaj, ujtawantaj mana sayarisqachu kanqa, pipajchus wakichisqa kashan, chayqa jamunankama. Paymanqa chay llajtata qosaj”, nispa (Ezequiel 21:26, 27).
(Ezequiel 21:26) Tukuyta Kamachej Tata Diosqa kay jinata nin: Uma maytʼukunaykita, pilluykita ima orqhokuy, tukuy imataj waj jina kanqa. Pisipaj qhawasqa kajqa pataman oqharisqa kanqa, jatumpaj qhawasqa kajtaj kʼumuykuchisqa kanqa.
Mesiasta suyakuchkarqanku
6 Judaqpa ayllunmanta kanan karqa. Jacobqa, niraq wañupuchkaspa churisninta bendicerqa, Judatataq jinata nirqa: “Ni pi qhechonqachu Judajpa atiyninta, ni makimpi kashaj, chay kamachina tojnuntapis, chay tojnuyoj chayamunankama, pitachus tukuy llajtas kasonqanku”, nispa (Gén. 49:10). Yachayniyuq judiosqa, Jacob Judaman Mesiasmanta parlachkasqanta yuyarqanku. Chaywanpis Jacobqa, juk reymanta parlachkarqa, imaraykuchus kamachina tuqnutaqa juk reypuni apaykachaq, paylla kamachiyta atisqanta rikuchinanpaq. Chayrayku kay profeciaqa, Juda ayllullamanta reykuna kanankuta rikuchirqa. Judamanta ñawpaq kaq reyqa, David karqa, qhipa kaq reytaq Sedequías. Chaywanpis Jacobqa wak reymantataq parlachkarqa, chay reytaq wiñaypaq kamachinman karqa. Diosqa, Sedequiasman chay reylla kamachiyta atisqanta nirqa (Eze. 21:26, 27). Chantapis Jesús niraq nacekuchkaptinqa, ángel Gabriel Mariaman nirqa: “Señor Diosqa ñawpa tatan Davidpa reinonta payman qonqa. Chantá payqa wiñaypaj israelitasta kamachenqa mana jaykʼaj tukukuyniyoj reinompi”, nispa (Luc. 1:32, 33). Jesusqa, Judap ayllumanta, Davidpa mirayninmanta ima karqa. Payllataq Davidpa mirayninmanta rey kananpaq akllasqa karqa. Chayrayku chay reyqa, Jesucristo karqa (Mat. 1:1-3, 6; Luc. 3:23, 31-34).
(Ezequiel 21:27) Tukuyta thuñisaj; allin thuñisqatapuni saqesaj, ujtawantaj mana sayarisqachu kanqa, pipajchus wakichisqa kashan, chayqa jamunankama. Paymanqa chay llajtata qosaj.
Diospa Reinonpi sinchʼita creenachej
14 Jehovaqa ñaupa tiempomanta Israel llajtaj reynin Davidwan tratota ruwarqa (2 Samuel 7:12, 16 leey). Jehovaqa Davidman mirayninmanta Mesías jamunanta nerqa (Luc. 1:30-33). Chay tratota Davidwan ruwasqanpitaj ima familianejtachus Mesías jamunanta astawan sutʼincharqa. Jehovaqa Davidpa mirayninmanta kajlla, Reinonpi kamachinanpaj “wakichisqa” rey kasqanta nerqa (Eze. 21:25-27). Davidpa kamachiynenqa, Jesusnejta “wiñaypaj sayanqa”. Chantapis “miraynenqa wiñaypaj sayachisqa kanqa, kamachina tiyanantaj kallanqapuni inti jina” (Sal. 89:34-37). Cristoj kamachiynenqa ni jaykʼaj sajraman tukonqachu, ruwasqasnintaj wiñaypaj kanqanku.
Sumaj yachachiykunata maskʼana
(Ezequiel 21:3) Kay jinata ninki: Tata Diosqa nin: Noqa contraykipi kani. Espadayta jallchʼananmanta sikʼikuspa, chaywan juchayojta, mana juchayojtapis wañurachisaj.
w07-S 1/7 pág. 14 párr. 1
Ezequiel libromanta wakin allin yachachiykuna (ñaupaj kaj)
21:3. ¿Imataj Jehová Espadanta jallchʼananmanta sikʼisqan? Chay espadaqa ninakun rey Nabucodonosorwan, soldadosninwan ima. Jehovaqa paykunanejta Jerusalenta, Judatawan castigarqa. Chay espadaqa ninakullantaj cielopi kaj Jehovaj llajtanwan, maypichus ashkha atiyniyoj ángeles kashanku.
(Ezequiel 23:49) Chay iskayninku khuchi kawsaypi purisqasninkumanta castigasqa kanqanku, lantista yupaychaspa juchallisqankumantawan. Chaypi yachankichej noqa Tukuyta Kamachej Tata Dios kasqayta.
w07-S 1/7 pág. 14 párr. 6
Ezequiel libromanta wakin allin yachachiykuna (ñaupaj kaj)
23:5-49. Israel llajtawan, Judá llajtawanqa muyuyninkupi kaj llajtaswan chajruykukusqankurayku llulla diosesta yupaychayta qallarerqanku. Sumajta qhawarikuna tiyan mana Satanaspa mundonmanta kajkunawan masichakunapaj, imaraykuchus Diosmanta karunchawasunman (Santiago 4:4).
Bibliata leenapaj
(Ezequiel 21:1-13) Este versículo está unido al siguiente. 2 Chantá Tata Diosqa parlamuwaspa, niwarqa: Runaj Churin, Jerusalennejman kutirispa, yupaychana cheqaspa contrankuta parlay. Sutiypi sutʼinchaspa, parlay imachus Israel nacionpa contranta jamunanta. 3 Kay jinata ninki: Tata Diosqa nin: Noqa contraykipi kani. Espadayta jallchʼananmanta sikʼikuspa, chaywan juchayojta, mana juchayojtapis wañurachisaj. 4 Arí, espadaytaqa jallchʼananmanta sikʼikusajpuni juchayojta, mana juchayojta ujllapi wañurachinaypaj, wichaynejmantapacha uraynejkama. 5 Chaywan tukuynin runas yachanqanku noqa Tata Dios espadayta jallchʼananmanta sikʼisqayta, manataj ujtawan waqaychaykusajchu. 6 Chayrayku, Runaj Churin, ñawpaqenkupi sonqoyki pʼakisqa phutiyta ayqoy. 7 Imamantachus waqasqaykita tapurisojtinkutaj, ninki: May jatun llakiy chayamunanta yachaspa waqashani. Chaypacha tukuy runaspa sonqonku manchariywan sayarparenqa, makisninkutaj llawchʼiyanqa. Tukuy runaspa chaki moqosninkutaj manchariywan kharkatitenqanku. Chay pʼunchayqa chayamushanña, chaytaj jinapuni kanqa, nispa nin Tukuyta Kamachej Tata Diosqa. 8 Esta unido al siguiente versículo. 9 Tata Diosqa parlamuwaspa, nillawarqataj: Runaj Churin, imachus chayamunanmanta parlaspa, Tata Diosqa kay jinata nin: Espada, espadaqa filochasqaña kashan, lliphipirishantaj. 10 Wañurachinapaj filochasqaña kashan, llosqʼochasqataj kashan kʼancharinampaj. Kusikusunmanchu churiypa kamachina tojnun tukuy yuyaychayta qhesachajtin? 11 Espadaqa llosqʼochasqa kashan runajapʼinampaj. Espadaqa filochasqa llosqʼochasqataj kashan, runa wañuchejpa makinman jaywanapaj. 12 Qantajrí, Runaj Churin, sonqo nanayta qhapariy, waqaytaj, imaraykuchus kayqa aylluyta wañurachinapaj wakichisqa kashan, tukuy Israelta kamachejkunapajtaj. Paykunaqa aylluywan khuska wañuchisqa kanankupaj juchachasqa kanku; chayrayku llakiywan pechoykita takakuy. 13 Noqa, Tukuyta Kamachej Tata Diosqa kayta nini: Sichus espadaqa kamachina tojnuta pisipaj qhawan chayqa, mana astawan kanqañachu.
31 DE JULIO–6 DE AGOSTO
BIBLIAMANTA SUMAJ YACHACHIYKUNA | EZEQUIEL 24-27
“Tiro llajtapaj profeciaqa Diospa Palabranpi atienekunapaj kallpachawanchej”
(Ezequiel 26:3, 4) Chayrayku, Tukuyta Kamachej Tata Diosqa kay jinata nin: Tiro llajta, noqa contraykipi kashani. Ashkha nacionesta contraykipi kachaykamusaj, imaynatachus mama qocha yaku qhollchoqeyaspa jamun, ajinatapuni. 4 Perqasniykita thuñiykonqanku, torresniykitataj urmarachenqanku. Chay pampamanta ñutʼu jallpʼantinta picharqosaj, llosqʼo chhankata jina qʼarallata saqesaj.
si-S pág. 133 párr. 4
Bibliamanta 26 kaj libro: Ezequiel
4 Profeta Ezequiel Tiro, Egipto, Edom llajtaspaj imastachus nisqan juntʼakusqanqa, profeciasnin nisqanman jinapuni juntʼakusqanta rikuchin. Profeta Ezequiel nerqa Tiro llajta thuñisqa kananta, chaytaj juntʼakuyta qallarerqa chay llajtata Nabucodonosor 13 watasta muyuykuytawan japʼikapushajtin (Eze. 26:2-21). Jinapis Tiro llajtaqa niraj tukuyninchu thuñisqa karqa. Jehovaqa nerqa tukuynin Tiro llajta chinkachisqa kananta. Imajtinchus ñaupajmantaña profeta Ezequielnejta nerqa: “Chay pampamanta ñutʼu jallpʼantinta picharqosaj, llosqʼo chhankata jina qʼarallata saqesaj. [...] Rumisniykita, kurkusniykita, thuñisqa perqasniykitawan jatun qochaman wijchʼonqanku”, nispa (26:4, 12). Tukuy chaytaj 250 watasmanta aswan qhepaman juntʼakorqa Alejandro Magno qocha chaupipi kaj Tiro llajtata chinkachishajtin. Alejandroj soldadosnenqa qocha kantupi kaj Tiro llajtaj thuñikusqanta jatun qochaman wijchʼuykorqanku. Chaywantaj uj ñanta ruwarqanku 800 metrosta jina, qocha chaupipi kaj Tiro llajtakama. Ajinamanta chay llajtata muykorqanku, chay llajtaj perqasnin 46 metrosniyoj kajtinpis, patanta wasaykuspa 332 watapi (J.n.j.) japʼikaporqanku. May chhika runas wañorqanku, wakintaj esclavos jina vendesqas karqanku. Ezequiel nisqanman jinataj Tiro llajtaqa, “challwa japʼina chʼipas chʼakichina cheqaman” tukorqa (26:14). Edomitaspis Judaj contranpi oqharikusqanrayku may jatun juchayoj rikhurerqanku, chayraykutaj profeta Ezequiel nisqanman jina chinkachisqallataj karqanku (25:12, 13; 35:2-9). Profeta Ezequiel nerqa Jerusalén thuñisqa kananta, Israeltaj watejmanta sayarichisqa kananta. Chaytaj nisqanman jinapuni juntʼakorqa (17:12-21; 36:7-14).
(Ezequiel 26:7-11) Tukuyta Kamachej Tata Diosqa kay jinata nin: Babiloniamanta rey Nabucodonosorta wichaynejmanta Tiroj contrampi kachaykamusaj, reyespa reyninku kajta, caballoswan, carretaswan, caballospi rejkunawan, ashkha soldadoswantaj. 8 Jatun qocha kantu jallpʼasniykipi tiyakoj runasta espadawan wañurachenqanku. Jallpʼa moqosta ruwanqanku, torrestawan, armasqa soldadoswantaj contraykipi kachaykamusonqanku. 9 Perqa thuñina armaswan perqasniykita loqhenqanku, torresniykitataj barretaswan urmachenqanku. 10 Babiloniamanta reyqa ashkha caballoswan yaykumojtin, jallpʼa qʼoshñiwan pʼampaykusonqanku. Carretasnimpa sonayninwan, caballospa sonayninwan imaqa perqasniyki kharkatitenqa, contrariosniyki punkusniykita yaykumushajtinku, phirisqa llajtaj punkusninta jina. 11 Caballosnimpa sapatosninkuwan tukuynin callesniykita saronqanku. Runasniykitaqa espadawan wañurachenqanku. Perqasniykej sayantasninkutapis thuñenqanku.
ce-S pág. 216 párr. 3
Biblia, ¿Diospa yuyaychasqanpunichu?
3 Feniciaman mercaderia chayananpajqa, Tiro llajtamanraj barcospi chayaj, imajtinchus Tiroqa qocha kantupi kasharqa, chayraykutaj qhapaj karqa. Tiro llajtaqa Diosta yupaychaj Israel llajtata traicionarqa. Jehovaqa profeta Ezequielnejta willacherqa Tiro llajta chinkachisqa kananta, chaytataj nerqa chinkachisqa kananpaj 250 watas faltashajtin. Jehová nerqa: “Ashkha nacionesta contraykipi kachaykamusaj [...] Perqasniykita thuñiykonqanku, torresniykitataj urmarachenqanku. Chay pampamanta ñutʼu jallpʼantinta picharqosaj, llosqʼo chhankata jina qʼarallata saqesaj. Jatun qocha chawpipi qhepakonqa, challwa japʼina chʼipasta chʼakichinapaj jinalla kanqa”. Ezequielqa nillarqataj mayqen suyuchus ñaupajta Tiro llajtata muyuykunanta, pichus chay suyuta kamachej kasqantapis. Pay nerqa: “Babiloniamanta rey Nabucodonosorta wichaynejmanta Tiroj contrampi kachaykamusaj”, nispa (Ezequiel 26:3-5, 7).
(Ezequiel 26:4) Perqasniykita thuñiykonqanku, torresniykitataj urmarachenqanku. Chay pampamanta ñutʼu jallpʼantinta picharqosaj, llosqʼo chhankata jina qʼarallata saqesaj.
(Ezequiel 26:12) Qhapaj kapuyniykita apakaponqanku, qhatunapaj kaj imasniykitataj suwakaponqanku. Perqasniykita loqheykonqanku, kʼacha wasisniykitataj thuñiykonqanku. Rumisniykita, kurkusniykita, thuñisqa perqasniykitawan jatun qochaman wijchʼonqanku.
it-1-S pág. 83
Alejandro
Alejandro Magnoqa Persiata iskay kutipipuni atiparqa (ñaupajtaqa río Gránico nisqapi, qhepantataj llanura de Isos nisqapi, chay kutipeqa 500 mil jina persa soldadosta atiparqa). Alejandroqa niña Persa soldadosta manakorqachu, astawanpis qocha chaupipi Tiro llajtallataña chinkachinanpaj qhawasharqa. Ashkha watas ñaupajtaña nikorqa qocha kantupi kaj Tiro llajtaj perqasnin, torresnin, wasisnin ima urmachisqa kananta, qochamantaj wijchʼuykusqa kananta (Eze 26:4, 12). Nabucodonosorqa qocha kantupi kaj Tiro llajtata thuñerqa. Watasninmantaj Alejandro Magno qocha kantupi kaj Tiro llajtaj thuñikusqan imaswan uj puenteta ruwarqa. Chaytaj 800 metrosniyoj jina karqa qocha chaupipi Tiro llajtakama. Jinamanta Alejandro Magnoqa tukuy soldadosninwan, maqanakunapaj armasninwan ima julio 332 watapi (J.n.j.) tukuynin Tiro llajtata chinkacherqa.
Sumaj yachachiykunata maskʼana
(Ezequiel 24:6) Tukuyta Kamachej Tata Diosqa kay jinata nin: Ay kay runa wañuchi llajtamanta. Millay akakipasqa mankaman rijchʼakun, chay akakipasqataj mana mayllay atina. Chay mankaman churasqaykita orqhoy ujmanta uj, kantullamanta mana ajllaspa.
(Ezequiel 24:12) Yanqhallata khitunipis, nitaj akakipasqasnin llojsinchu; ninawampis manapuni llojsinchu.
w07-S 1/7 pág. 14 párr. 2
Ezequiel libromanta wakin yachachiykuna (ñaupaj kaj)
24:6-14. ¿Imawantaj ninakun ‘mankaj akakipasqan’? Muyuykusqa Jerusalenqa akakipasqa chayri ruphasqa mankaman rijchʼakorqa. Chay llajtapi millay sajra imasta ruwasqanku, millay kausaypi purisqanku, runa wañuchi llajta kasqanku imataj chay mankaj akakipasqanwan chayrí ruphasqanwan ninakorqa. Israelitas millay kausayniyojpuni kasqankurayku mana llimphuchay atina karqanku.
(Ezequiel 24:15-17) Este versículo está unido al siguiente. 16 Tata Diosqa parlamuwaspa, niwarqa: Runaj Churin, ujllata qhechusqayki, pitacha astawan munakunki, chayta. Qantajri yuyarikuspa ama llakikunkichu, nitaj waqankichu, nillataj waqayniykipis tʼakakuchunchu. 17 Sonqollaykipi waqay, amataj llakiy pʼachata churakuychu wañusqayoj runa jinataqa. Umaykita maytʼukuy, jukʼutasniykitapis churaykukuy. Uyaykitapis ama pʼantawan qhatakuychu; llakiypi kashaspa mikhunku, chay mikhunasta amallataj mikhuychu, nispa niwarqa Tata Diosqa.
w88-S 15/9 pág. 21 párr. 24
Jehová espadanta jallchʼananmanta sikʼin
24 Chaymanta Ezequielqa Jehovaj nisqanman jina ruwallarqapuni (Ezequiel 24:15-18 leey). ¿Imarayku Ezequiel warmin wañupojtin mana llakikorqachu? Imaraykuchus ajinamanta Jerusalén thuñisqa kajtin, templo thuñisqa kajtin ima Judíos tʼukushaj qhepakunankuta rikucherqa. Ezequielqa chaymanta ashkha kutistaña willarqa, chayraykutaj Jerusalén thuñikunankama niña ujtawan willarqañachu. Ajinallatataj sajra mundoj tukukuynin chayamojtin, puraj uya llulla religiones, chaypi kajkuna ima ni imata ruwayta atenqankuchu. “Manchay ñakʼariy” tiempo qallarejtintaj ajllasqa cristianos imachus llulla religioneswan kananmanta willasqankuman jinapuni juntʼakonqa (Mateo 24:21). Jehová espadanwan llulla religionesta chinkachinan kashajtin, llulla religionespi kajkuna, waj runas ima yachanqanku Jehovalla “Tukuyta Kamachej” Dios kasqanta (Ezequiel 24:19-27).
Bibliata leenapaj
(Ezequiel 25:1-11) Este versículo está unido al siguiente. 2 Tata Diosqa parlamuwaspa, niwarqa: Runaj Churin, amonitaspa llajtanku qhawarisqa contrankuta sutʼinchay. 3 Paykunaman niy: Tukuyta Kamachej Tata Diospa nisqanta uyariychej. Tukuyta Kamachej Tata Diosqa kay jinata nisunkichej: Temploy chʼichichasqa kashajtin, qankunaqa kusikuspa jatunmanta asikorqankichej, maypachachus Israel nacion chʼinyachisqa karqa, Juda aylluytaj preso apasqa kasharqa chaypacha. 4 Chayrayku qankunata inti llojsimuynejpi tiyakoj runasman jaywaykusqaykichej. Paykunaqa jallpʼaykichejta japʼikaponqanku, chaypitaj toldosninkuta sayaykuchispa, jarakonqanku. Chajrasniykichejmanta paykuna mikhonqanku, lecheykichejtapis paykunalla ujyakaponqanku. 5 Raba nisqa llajtaykichejtaqa camellospa mikhunan pampaman tukuchisaj, Amontataj ovejas puñunaman tukuchisaj. Chaypacha yachankichej noqa Tata Dios kasqayta. 6 Tukuyta Kamachej Tata Diosqa nillantaj: Amonita runas, kusiywan makisniykichejta tʼajllarakorqankichej, chakisniykichejwan sapateyarqankichej, kusikorqankichejtaj Israelmanta runasta chejnispa. 7 Chayrayku makiyta oqharisaj qankunata castiganaypaj, waj nacionesmanta runasmantaj jaywaykusqaykichej, paykuna tukuy kapuyniykichejta qhechusunaykichejpaj. Naciones chawpimanta qankunata orqhospa, chinkarparichisqaykichej. Mana imayojta chinkasqata chinkarparichisqaykichej, chantá yachankichej noqa Tata Dios kasqayta. 8 Tukuyta Kamachej Tata Diosqa kay jinata nin: Moabwan, Seirwanqa Juda ayllumanta parlaspa ninku, Judaqa mayqen nacion jinalla kasqanta. 9 Chayrayku noqaqa Moabta ujnin ladomanta kicharisaj, qhechusajtaj kay llajtasta: Bet-jesimot nisqa llajtata, chantá Baal-meonta, Quiriataimtataj. Chay llajtasqa moabitaspa runaykachananku karqa. 10 Inti llojsimuynejmanta kaj runasman moabitaspa jallpʼankuta herenciapaj qopusaj, amonitaspa jallpʼasninkutawan, chay jinamanta amonitasqa qonqayman churasqa kanankupaj. 11 Jinallataj Moabtapis castigasaj, yachanqankutaj noqa Tata Dios kasqayta.