5 AL 11 DE AGOSTO

BIBLIAMANTA SUMAJ YACHACHIYKUNA

1. ‘Qhepa wawasman’ Diospa atiyninmanta willariy

(10 min.)

Davidqa repararqa jovencito kashajtin Jehová payta jarkʼasqanta (Sl 71:5; w99-S 1/9 pág. 18 párr. 17).

Davidqa viejitoña kajtinpis rikorqa Jehová mana saqerparisqanta (Sl 71:9; g04-S 8/10 pág. 23 párr. 3).

Davidqa imastachus ruwasqanta, imaynatachus Jehová yanapasqantapis jovencitosman willarejpuni kallpachananpaj (Sl 71:17, 18; w14 15/1 pág. 23 párrs. 4, 5).

Ñaupaj semanapi “Familiapi Diosta yupaychashaspa gustachikunaykichejpaj yuyaychaykuna” nisqa partepi uj familiamanta foto karqa. Chay familiallataj machitu hermanitosta kusisqa uyarishanku familiapi Diosta yupaychashaspa. Chay machitu hermanitosqa fotosninkuta rikuchishanku, experienciasninkutapis willarishanku.

KAYTA TAPURIKUY: “¿Mayqen experienciayoj hermanotataj wajyarikuykuman familiapi Diosta yupaychashaspa kausayninmanta willarinawaykupaj?”.

2. Sumaj yachachiykunata maskʼana

(10 min.)

Sl 72:8. ¿Imaynatá Génesis 15:18 versiculopi nisqan rey Salomón kamachishajtin juntʼakorqa? (it-1-S pág. 883).

Kutichiynin
¿Imastá yachakunchej kay semana Bibliata leespa?

Kutichiynin

3. Bibliata leenapaj

(4 min.) Sl 71:1-24 (th 5 yachaqana).

SUMAJTA YACHACHINACHEJ

4. Parlayta qallariy

(3 min.) WASIMANTA WASI. Wasiyoj discutiyta qallarisojtenqa kʼachallamanta despedikuy (lmd lección 4 punto 5).

5. Revisitasta ruway

(4 min.) MAYLLAPIPIS KASHASPA. Ujnin familiarniyki ichá mana Bibliata estudiayta munallanchu. Watejmanta paywan parlariy (lmd lección 8 punto 4).

6. Creenciasniykita sutʼinchariy

(5 min.) Discurso: ijwfq 49. Tema: ¿Imaraykutaj Jehovaj testigosnin wakin yachachiykunasninkuta cambianku? (th 17 yachaqana).

CRISTIANO KAUSAYNINCHEJ

7. Familiapi Diosta yupaychanapaj yuyaychaykuna

(15 min.) Uyarejkunawan ukhunchanapaj.

Ñaupajpi rikorqanchej chay familiallataj sayarispa reunionespaj takiykunata ensayashanku.

Familiapi Diosta yupaychaspa ujnin warmi wawanqa mamanwan ensayashan imatachus ruwananta imapis kajtin.

‘Jehová Dios nisqanman jina cheqanchasqa, yachachisqataj’ kayqa may sumajpuni. Chaytataj wawasqa familiapi Diosta yupaychashaspa sumajta yachakunkuman (Ef 6:4). Jinapis familiapi estudiayqa mana atikullanchu. Chayrayku chayqa gustachikunapaj jina kanan tiyan, astawanraj wawas Bibliata estudiaspa rato aburrikunku chayqa (Jn 6:27; 1Pe 2:2). Familiapi Diosta yupaychaspa tukuy gustachikunankupaj, Bibliamanta sumajta yachakunankupaj imaqa, tatasqa yanapachikunkuman “Familiapi Diosta yupaychanapaj yuyaychaykuna” nisqa recuadrowan. Chay recuadrota ukhunchariy chantá kaykunata tapuriy:

¿Kay yuyaychaykunamanta mayqentataj ruwayta munawaj?

Kutichiynin
¿Imastataj ruwallarqankichejtaj familiapi Diosta yupaychashaspa?

Kutichiynin

FAMILIAPI DIOSTA YUPAYCHANAPAJ YUYAYCHAYKUNA

BIBLIA

Sapa semana Bibliata leekun chay parteta grabasqata uyariychej chayri turnopi jatunmanta leeychej. Leeshankichej chaypi ashkhas parlanku chayqa, partirakuwajchej sapa ujpa parlasqanta leenaykichejpaj.
Ñaupajmantaña wakin tapuykunata anotakuy semanapi Bibliata leekun chay partemanta. Familiaykimanta sapa ujtaj uj tapuyta ajllakuchun, chaytataj ukhuncharichun. Chaymantataj imatachus yachakusqanta familiaman willarichun.
Familiaykita piensarichiy uj llakiypi tarikuspa imatachus ruwanaykichejpi. Chay llakiypajtaj Bibliamanta yuyaychaykunata maskʼaychej Diospa palabranwan yanapachikuna nisqa libropi.
Diospa ujnin ñaupa kamachinpis kawajchej jina uj demostracionta ruwaychej.
Sapa semana uj tarjetata ruwaychej uj versiculoyojta. Chaytataj orqhowajchej Munakuywan yachachiy folletomanta, yanapa A nisqa partemanta. Chay versiculostataj de memoria japʼiychej. Ñaupaj semanaspi ruwarqankichej chay tarjetastapis repasaychej.
Wiñaypaj kusisqa kausakuy libromanta uj parteta estudiaychej.
Familiaykimanta ujninta niwaj uj yachaqanata wakichikunanta sutꞌinchasunaykichejpaj. Chay yachaqanataj kachun “Bibliamanta tapuykuna” chayri “Versiculosmanta sutʼinchaykuna” nisqa partemanta. Chaytaj kashan Internetpi jw.org BIBLIAJ YACHACHIYKUNASNIN nisqapi.

TANTAKUYKUNAPAJ

Tantakuypaj uj parteta wakichikuychej.
Tantakuypi comentanaykichejpaj wakichikuychej, ensayaychejtaj. Mashkha tiempopichus comentasqaykichejtapis qhawarikuychej.
Tantakuykunapi takinchej chay takiykunata ensayaychej.
Qhepan tantakuypi pitachus kallpacharinaykichejpi piensariychej, ensayaychejtaj imatachus ninaykichejta.
Tantakuypi mayqenpatapis uj asignación kapun chayqa, familia ukhupi practicachun.

PREDICANAPAJ

Wasimanta wasi willanaykichejpaj wakichikuychej.
Revisitasta ruwanaykichejpaj wakichikuychej.
Mayllapipis kashaspa imaynatachus predicanaykichejpaj wakichikuychej, ensayaychejtaj parlakusqaykichejman jinalla predicanaykichejpaj.
Parlarikuychej imastachus ruwanaykichejmanta astawan predicanaykichejpaj Jesuspa Wañuyninta Yuyarinapaj semanaspi chayri vacacionespi.

FAMILIAPAJ

Wakichikuychej imatachus ruwanaykichejta kay imaspi rikukuspa: politicosta apoyanapaj chayri banderata napaykunapaj matʼisqa kaspa, kʼumuykachachisqa kaspa, piwanpis noviayta munaspa chayri costumbresta ruwayman tanqasqa kaspa.
Tatas wawasman tukuychej, wawastaj tatasman. Wawasqa uj temata ukhuncharichunku tatasninkuman entiendechinankupaj.

WAJ YUYAYCHAYKUNA

Broadcastingta qhawaychej chantá imatachus yachakusqaykichejmanta parlariychej.
Internetpi jw.org nisqamanta uj yachaqanata leeychej chayri uj videota qhawaychej, imatachus yachakusqaykichejmantataj parlariychej.
Uj yachaqanata ukhunchariychej “Jovencitospaj, jovenespajwan” chayri “Wawaspaj” nisqa partemanta. Chaytaj kashan Internetpi jw.org BIBLIAJ YACHACHIYKUNASNIN nisqapi.
Jatun tantakuypi imatachus yachakusqaykichejmanta yuyarikuychej.
Jehovaj ruwasqasninta sumajta qhawariychej chayri chaymanta astawan ukhunchariychej. Parlariychejtaj imatachus Jehovamanta chay yachachisusqaykichejmanta.
Wakin kutis uj hermanota chayri uj hermanata wajyarikuychej familiapi Diosta yupaychashaspa kausayninmanta tapurinaykichejpaj.
Imastachus Jehovapaj ruwayta munankichej chaymanta parlariychej, imaynatachus chayta juntʼanaykichejmantapis.
Khuska ruwaychej maquetata, mapata, chayri dibujota.

Familiapi Diosta yupaychasqaykichej sapa kuti aswan sumaj kachun VIDEOTA rikuchiy. Chantá tapuriy:

Wawas niña wasipi tiyakojtinku, ¿imatá uj qosa ruwanman señoran familiapi Diosta yupaychashaspa gustachikunanpaj?

Kutichiynin

8. Bibliamanta yachakunapaj

(30 min.) bt cap. 13 párrs. 17-24.