Espejonchejpi sumajta qhawarikuna

Santiago nerqa Biblia uj espejo jina kasqanrayku sonqonchejpi imayna runachus kasqanchejta rikuchiwasqanchejta (Sant. 1:22-25). ¿Imaynatá chay espejonchejpi sumajta qhawarikusunman?

Ama usqhayllata Bibliata leerpanachu. Espejopi usqhay usqhayllata qhawarikusunman chayqa, ichapis mana reparasunmanchu imachus uyanchejpi mana allinchu kashasqanta. Kikillantaj kanman Bibliata usqhay usqhayllata leerpajtinchej, mana reparayta atisunmanchu imaspichus pantashasqanchejta. Reparakuyta atinanchejpajqa mana usqhay usqhayllata leerpanachu.

Pantasqasninchejta reparana, mana wajkunaj pantasqankutachu. Wakin kuteqa espejopi wajkunaj uyankuta rikusunman, chay ratotaj reparasunman uyankupi imachus mana allinchu kashasqanta. Kikillantaj kanman Bibliata leejtinchej, wajkunaj pantasqankuta astawan reparasunman. Chayta ruwasunman chayqa, pantasqasninchejta mana allinchayta atillasunmanchu.

Maychus kajllata noqanchejmanta yuyana. Espejopi qhawarikojtinchej mana gustawasqanchej imasllata qhawakusunman chayqa, desanimakusunman. Bibliata leeshaspa mana ajina pasanawanchejpajqa, maychus kajllata noqanchejmanta yuyana. Imastachus Jehová ruwananchejta munan chayllata ruwana, manataj mana atisqanchej imastaqa (Sant. 3:17).