Bibliaqa unayniyojña kaspapis yanapawasunman

Wakin runastaqa Bibliata leey, chayman jinataj kausakuy yanaparqa. Imatachus chaymanta nisqankuta qhawarina.

Fiona nin: “Kausayneyqa allinyan. Allin imaspi yuyani, niñataj anchata llakikunichu. Kunanqa piensani tukuy imapis allinpuni llojsinanta”, nispa.

Elena nin: “Bibliata yachakusqaymantapacha kusisqa kausakuni”, nispa.

Andrew nin: “Kunanqa allinta kausakuni. Maychus kajllata trabajani, familiaywan khuska kanaypajtaj kallpachakuni”, nispa.

Kinsa runasllamanta parlarinchej. Chaywanpis mundontinpi ashkha runas ninku Bibliaj yuyaychaykunasnenqa kausayninkupi sumajta yanapasqanta.

Bibliaqa yanapawasunman:

• Mana anchata onqonapaj.

• Kusisqa kanapaj.

• Familiawan amigoswan allinpi kausakunapaj.

• Qolqeta allinta apaykachanapaj.

• Diosman qayllaykunapaj.

Kaykunamanta qhepan yachaqanaspi yachakusun. Reparasuntaj Bibliaqa Diosmanta parlaspapis kausayninchejpi yanapayta atiwasqanchejta.