1 rakʼiy
¿Runasta Dios munakunchu?
1, 2. ¿Imastataq runa Diosmanta tapukun, imaraykutaq?
ICHÁ maykʼaqllapis tapukurqanki: ‘Dios chiqamanta munakuwanchik chayqa, ¿imaraykutaq kay chhika ñakʼariykunata qhawallan?’, nispa. Tukuy, maykʼaqllapis ñakʼarirqanchik chayri pillatapis ñakʼariqta rikurqanchik.
2 Arí, runaqa unaymantapacha, nanaypi, llakiypi ima, rikukun, ¿imarayku? Jatuchaq maqanakuykunarayku, saqra ruwaykunarayku, chiqan kaq mana ruwakusqanrayku, wakchayayrayku, chayri familianku wañupusqanrayku. Kay iskay chunka siglo nisqallapi, 100.000.000 runas, jatuchaq maqanakuykunapi wañunku. Wak achkha runastaq, mana wasiyuq, mana kapuyniyuq, chayri wak ñakʼariypi qhipakunku. Kay pʼunchaykunapitaq, achkha runas, manchay llakiykunarayku, waqanku, sunqu nanasqa chayri mana allin suyayniyuq kanku.
3, 4. Dios ñakʼariykuna kananta saqisqanmanta, ¿imatataq achkha runas yuyanku?
3 Chayrayku, wakin runaspaqqa, mana Dios kanchu chayri ninku: ‘Dios kan chayqa, mana munakuwanchikchu’, nispa. Kayta qhawarina, juk runaqa, ñawpa kaq Guerra Mundial kachkaptin, jukjina laya kasqanrayku, qhatiykachasqa karqa, chantapis amigosninta, familianta ima, wañuchisqankuta rikurqa, tapukurqataq: ‘Chay ñakʼariypi kachkaptiy, ¿maypitaq Dios kachkarqarí?’, nispa. Wak runataq, iskay kaq Guerra Mundialpi kay nazis kaqkuna, may chhika runasta wañuchisqankuta rikusqanrayku, nirqa: “Pillapis sunquyta llaqwariptinqa, venenarpakunmanchá”, nispa.
4 Rikunchikjina, achkha runas, imaraykutaq juk kʼacha Dios saqra ruwaykuna kananta saqisqanta, tapukunku. Chayrayku, Dios munakuwasqanchikmanta, chayri Dios kananmanta, iskaychasqa kanku. Wakin runastaq, runap kawsayninpi ñakʼariykuna, ni jaykʼaq chinkananta yuyanku.
[2, 3 paginaspi dibujo/foto]
Mana ñaḱʼariyniyuq musuq pacha, ¿qayllamuchkanñachu?