¿Ima sumaj willaykunataj Bibliapi tiyan?

1. ¿Imastá Dios willawanchej?

Diosqa kusisqa kausakunanchejta munan. Munakuwasqanchejraykutaj jallpʼata tukuy imayojta ruwarqa. Payqa pisimantawan tukuy ñakʼariykunata chinkachenqa, tukuy runas kusisqa kausakunanchejpaj. Jeremías 29:11 leey.

Ni mayqen gobiernopis, sajra ruwaykunata, onqoykunata, wañuyta ima tukuchiyta atinchu. Jinapis Diosqa pisimantawan kay mundomanta gobiernosta chinkachenqa, paypa Gobiernontaj kay jallpʼata kamachenqa. Kamachisnintaj sonqo tiyasqas, mana onqospa kausakonqanku. Isaías 25:8; 33:24; Daniel 2:44 leey.

2. ¿Imaraykutaj Diospa nisqanta yachakuna tiyan?

Diosqa manaña sufrinanchejpaj sajra runasta chinkachenqa (Sofonías 2:3). ¿Maykʼajtaj chayta ruwanqa? Bibliaqa nin, manaraj chayta ruwashajtin, sajra ruwaykuna kay jallpʼapi kananta. Chay sajra ruwaykuna kasqantaj rikuchiwanchej pisimantawan sajra runasta Dios chinkachinanta. 2 Timoteo 3:1-5 leey.

3. ¿Imatá ruwananchej tiyan?

Diosmanta yachakunapajqa Bibliata estudiana tiyan. Bibliaqa uj kʼacha tatamanta carta jina. Jehová Diosqa Biblianejta kusisqa kausakunapaj yachachiwanchej. Chantapis imaynatachus wiñay kausayta tarinata willawanchej. Bibliamanta yachakushasqaykimantataj, mana tukuychu kusikonqanku. Jinapis amapuni yachakuyta saqeychu. Jamoj bendicionesqa may sumajpuni. Proverbios 29:25; Apocalipsis 14:6, 7 leey.