10 tʼaqaj qallariynin
Jehová Diosqa tukuyta kamachej Dios. Payqa tukuy imata ruwayta atin, Jeremiasta uj estanquemanta salvarqa mana wañunanpaj. Chantapis Sadracta, Mesacta, Abednegota ima laurashaj hornomanta librarqa, Danielta leonesmanta librarqa, Estertapis llajtanta salvananpaj yanaparqa. Kunanpis Jehová Diosqa mana wiñaypajchu sajra imas kananta saqenqa. Nabucodonosor uj jatun lantita, uj jatun sachʼatawan mosqoypi rikusqanqa, rikuchiwanchej Diospa Gobiernon sajra imasta tumpamantawan chinkachinanta, kay jallpʼatataj gobernamunanta.