REVISITASTA RUWAY
LECCIÓN 7
Ama saykʼuychu
Bibliaj yuyaychasqan: “Mana saykʼuspa [...] sumaj willaykunata yachachisharqanku, willasharqankutaj” (Hech. 5:42).
Pabloj ruwasqan
1. VIDEOTA qhawariy chayri Hechos 19:8-10 leeriy. Chantá kay tapuykunapi tʼukuriy:
Pabloj willasqanta wakin runas mana uyariyta munajtinkupis, ¿imaraykutaj ninchej yachakuyta munajkunata mana saykʼuspa Pablo yanapallasqantapuni?
Yachakuyta munajkunaman, ¿sapa diachu Pablo yachachej? ¿Mashkha unaytataj chayta ruwarqa?
¿Imatá Pablomanta yachakunchej?
2. Sumajta revisitasta ruwanapaj, estudiostapis qallarinapajqa tiempochakuna, kallpachakunataj.
Pablo jina ruway
3. Ima horachus tiempoyoj kanku, chay hora kutinaykipaj kallpachakuy. Tapurikuy: “¿Maykʼajtaj paywan parlariyta atiyman? ¿Maykʼajtaj pay tiempoyoj kanman noqawan parlarinanpaj? ¿Maypitaj parlarinaykuta munanman?”, nispa. Revisita ima horachus tiempoyoj kanqa chay horapi kutinaykipaj kallpachakuy, chay hora qanpaj mana sumajchu kajtinpis.
4. Tapuriy maykʼajchus ujtawan parlarinaykichejta. Niraj ripushaspaqa tapuriypuni maykʼajchus, ima horastachus watejmanta visitarinaykita. Quedasqaykichejman jinataj kutiy.
5. Ama saykʼuychu. Uj revisitata wasinpi mana taripayta atinkichu chayri revisitayki may ocupasqa kashan chayqa, ama yuyaychu manaña yachakuyta munasqanta (1 Cor. 13:4, 7). Astawanqa mana saykʼuspa chay runata visitallaypuni, jinapis ama tiempoykita usuchiychu (1 Cor. 9:26).