Bibliamanta yachakuyta munaqkunaman, ¿maykʼaqtaq kutina kanman?
1. Runasta Jesuspa discipulosninman tukuchinapaq, ¿imatá ruwananchik tiyan?
1 Runasta Jesuspa discipulosninman tukuchinapaqqa, Diospa Reinonmanta yachakuyta munaqkunaman kutinanchik tiyan (Mat. 28:19, 20). Bibliamanta yachakuyta munaqwan khuska, ima pʼunchaychus watiqmanta parlarinanchikta akllayta atispapis, allin kanman pisi pʼunchaykunaman kutinanchik, ¿imarayku?
2, 3. Bibliamanta yachakuyta munaqkunaman, ¿imaraykutaq usqhayllata kutinanchik tiyan?
2 ¿Imaraykutaq usqhayllata kutinanchik tiyan? “Janaj pacha reinomanta evangelio[qa]” tukuyniqpi willakuchkan, kay pachap tukukuynintaq astawan qayllaykamuchkan (Mat. 24:14; 1 Ped. 4:7). Chaywanpis pikunachus Diosmanta yachakuyta munaqkunaqa, salvacionta tariyta atinkumanraq. Chayrayku ‘Diospa Palabranmanta’ runasman willamunallapuni, astawan yachakuyta munaqkunamantaq kutinallapuni (2 Cor. 6:1, 2; 2 Tim. 4:2).
3 Satanasqa, mana munanchu runas Bibliamanta yachakunankuta, chayrayku sunqunkumanta Diospa Palabranta mujutajina tarpusqanchikta qhichunanpaq, tukuy imata ruwan (Mar. 4:14, 15). Bibliamanta yachakuyta munaqkunaqa, ichá manaña astawan yachakuyta munankumanchu, familiaresninku, amigosninku ima asipayasqankurayku. Chaywanpis paykunaman usqhayta kutispaqa, imamantachus parlasqanchikmanta yuyarichiyta atillasunman, astawan yachakunankupaqtaq yanapasunman.
4. Juk runawan parlaytawan, ¿imatá ruwasunman wak kutipi paywan parlarinallapaqpuni?
4 Maykʼaqchus kutinaykita niy. Bibliamanta juk runawan parlaytawan, astawan yachakuyta munaptinqa, ima pʼunchaychus, ima horachus kutinaykita niy, chantá juk tapuyta ruway kutispallaña kutichinaykipaq. Chaywanpis tiempoyki kaptinqa, chay tapuyman kutichinaykipaq qʼayantinpacha chayri qhipan pʼunchaykunapi kutinaykita niwaq. Sábado chayri domingo pʼunchaypi Bibliamanta paywan parlarqanki chayqa, ichá qhipan semana kikin pʼunchaykunallapitaq kutinaykita munanman, lunesmanta vierneskama llamkʼasqanrayku. Maykʼaqchus kutinaykita juk cuadernopi allinta qillqay, chay pʼunchaypipuni kutinaykipaq (Mat. 5:37).
5. ¿Imaynatá runasta Jesuspa discipulosninman tukunankupaq yanapasunman?
5 Kay saqra pacha tukukunanpaq “pisi tiempollaña kashan”, chayrayku Bibliamanta yachakuyta munaqkunaman usqhayllata kutinanchikpaq, ima pʼunchaychus, ima horachus kutinanchikta sutʼita ninanchik tiyan (1 Cor. 7:29). Jinata ruwaspaqa, achkha runasta Jesuspa discipulosninman tukunankupaq yanapasunchik.