Jatun tantakuyman jamojkunapaj willaykuna

ASIENTOS. Munayku wajkunapipis yuyanaykita. Chayrayku asientostaqa familiallaykipaj, qanwan jamojkunallapaj, qanwan tiyakojkunallapaj chayri estudiosnillaykipaj japʼiy. Amapuni imaykitapis waj asientosman churaychu.

BAUTIZAKOJKUNAPAJ. Bautizakojkunapajqa plataformaj ñaupaqenpi asientosta tʼaqakonqa. Mana tʼaqakojtintaj, yanapajkuna nenqanku maypichus tiyakunankuta. Bautizakojkunaqa sábado paqarinta bautizakojkunapaj discurso niraj qallarishajtin chay asientosman tiyakoj rinanku tiyan. Sapa ujninkutaj uj toallata, bautizakunankupaj ropatawan apakunanku tiyan.

IMAPIS CHINKAJTIN. Jatun tantakuypi imatapis tarikuspaqa, “Imapis Chinkajtin” nisqa departamentoman apana tiyan. Imatapis chinkachikunki chaytaj “Imapis Chinkajtin” nisqa departamentoman riy, ichá chaypi kashan. Chinkasqa wawastapis chay departamentoman pusana tiyan. Uj wawa chinkasqanmanta mana llakikushanapaj, tatas, wawasniykichejta sumajtapuni qhawaychej, ladoykichejpitaj japʼiychej.

MUNASQANCHEJMAN JINA QOLQETA CHURANAPAJ. Kay tantakoyqa Jehová Diosman astawan qayllaykuchiwanchej. Kaypi allinta uyarinanchejpaj, videosta sumajta qhawananchejpaj, asientos kapunawanchejpaj, waj imas ruwakunanpaj ima, ashkha qolqe gastakun. Tukuy sonqowan qolqeta churasqanchejqa yanapakun kay tantakuy ruwakunanpaj, jallpʼantinpi willakunanpaj ima. Qolqesitunchejta churanapajqa jatun tantakuypi tukuynejman cajitasta churakun. Jinapis donate.jw.org nisqapi qolqesituykiwan yanapakullawajtaj. Mayta agradecekuyku qolqesituykiwan yanapakusqaykimanta. Diospa Llajtanta Kamachejkunaqa may agradecesqas kashanku Diospa Llajtanta yanapakusqaykimanta.

PRIMEROS AUXILIOS. Kay departamentomanqa imanarpakojtinchej chayri uj emergencia kajtillan rina.

YANAPAJKUNA. Yanapajkunaqa, yanapasunankupaj kashanku. Chayrayku maynejpichus autoykita sayachinaykita, maynintachus purinaykita, maypichus tiyakunaykita chayri imatachus ruwanaykita nisojtinku kasukuy.

YANAPAKUYTA MUNAJKUNAPAJ. Kay jatun tantakuypi imallapipis yanapakuyta munaspaqa, “Yanapakuyta Munajkunapaj” nisqa departamentoman chimpariy.

Diospa Llajtanta Kamachejkuna wakichinku