Diospa Llajtanta Kamachejkunaman uj hermanopiwan yaykun

Kay 2012 watapi 5 septiembre paqarinpi, Estados Unidos chantá Canadá Betelpi, Diospa Llajtanta Kamachejkunaman uj hermanopiwan yaykusqanta willakorqa. Payqa Mark Sanderson sutikun, chaypitaj 2012 watapi 1 septiembre killapi llankʼayta qallarerqa.

Chay hermanoqa San Diego (California, Estados Unidos) nisqa llajtapi, cristiano familiapi wiñakorqa, bautizakorqataj 1975 watapi 9 febrero killapi. Chantá Saskatchewan (Canadá) llajtapi precursor kayta qallarerqa, 1983 watapi 1 septiembre killapi. Kay 1990 watapitaj diciembrepi, Escuela de Entrenamiento Ministerial (kunantaj Soltero Cristianospaj Escuela) clase 7 nisqamanta, Estados Unidospi graduakorqa. Chantá Terranova (Canadá) nisqa churuman precursor especial jina kachasqa karqa, 1991 watapi abril killapi. Payqa 1997 watakama, wakin kutispi qotuchakuykunata waturispa llankʼarqa, febreropitaj Canadá Betelman wajyasqa karqa. Kay 2000 watapitaj noviembrepi, Estados Unidos sucursalman wajyasqa karqa. Chaypi llankʼarqa Servicios de Información sobre Hospitales nisqapi, qhepamantaj Departamento de Servicio nisqapi.

Hermano Mark Sandersonqa 2008 watapi septiembre killapi, Sucursalespi Kamachejkunapaj Escuelaman risqantawan, Filipinas sucursalpi kamachejkunamanta kananpaj kachasqa karqa. Kay 2010 watapitaj, septiembrepi Estados Unidosman kuterqa, Diospa Llajtanta Kamachejkunamanta Willaypaj Comisionpi yanapananpaj.