BIBLIAJ KUTICHIYKUNASNIN
¿Imataj wawasniykita yanapanman Diosta munakunankupaj?
Imastachus Dios ruwarqa, chaykunallawantaj yanapachikuy wawayki Diosta rejsinanpaj, munakunanpaj ima
Wawasniyki Diosta munakunankupajqa, Dios kasqantapuni yachananku tiyan, yachanallankutaj tiyan paykunata munakusqanta (1 Juan 4:8). Sutʼincharina, yachananku tiyan imapajchus runasta ruwasqanta, imaraykuchus ñakʼariy kananta saqesqanta, chantá imatachus tumpamantawan ruwanantapis. (Filipenses 1:9 leey.)
Wawasniykeqa Diosta munakusqaykita reparananku tiyan. Chayta reparaspaqa, paykunapis Diosta munakuyta munanqanku. (Deuteronomio 6:5-7; Proverbios 22:6 leey.)
¿Imatá ruwawaj wawasniyki Diosta munakunankupaj?
Diospa Palabranqa atiyniyoj (Hebreos 4:12). Chayrayku wawasniykitaqa Bibliaj yachachiykunasninta yachakunankupaj yanapay, sonqonkuman chayanaykipajpis, Jesús jina yachachiy. Payqa tapuykunasta ruwaj, sumajta uyarej, mana entiendejtinkutaj sutʼincharej. (Lucas 24:15-20, 27, 32 leey.)
Bibliaj wakin versiculosninpi, runasman Dios munakuyninta rikuchisqanmanta, wawaykiwan khuska leeriwaj. Ajinamanta Diosta rejsenqanku, astawantaj munakonqanku. Chaypajtaj, kay www.jw.org/qu nisqaman yaykuspa yanapasta tarinki. (2 Timoteo 3:16 leey.)