BIBLIAJ KUTICHIYKUNASNIN

¿Imaynatá allin tata kawaj?

Wawas sumajta wiñanankupajqa rikunanku tiyan tatasninku munanakusqankuta, respetanakusqankuta ima (Colosenses 3:14, 19). Wawasqa tatasninku munakusqankuta, paykunawan kusisqa kashasqankuta ima yachananku tiyan. Jehovaqa Churinta munakusqanta, paywantaj sonqo juntʼasqa kasqanta nerqa. Tataspis kikillantataj ruwankuman. (Mateo 3:17 leey.)

Tatanchej Jehovaqa, sumajta uyariwanchej, imaynachus kashasqanchejtapis yachan. Tataspis wawasninkuta sumajta uyarinanku tiyan (Santiago 1:19, 20). Chantapis wawasninku allinchus, manachus kashasqankuta sumajta yachananku tiyan. (Números 11:11, 15 leey.)

¿Imaynatá wawasniykita sumaj runas kanankupaj yachachiwaj?

Tatasqa wawasninku imatachus ruwayta, imatatajchus mana ruwayta atisqankuta niyta atinku (Efesios 6:1). Nillankumantaj mana kasukojtinku imachus kananta. Ajinamanta munakuyta rikuchenqanku, Jehová jinataj ruwanqanku (Génesis 3:3). Wawasta munajta mana munajta imatapis ruwachinamantaqa, aswan allin imaraykuchus imatapis ruwananku kasqanta ninanchej. (Isaías 48:18, 19 leey.)

Wawasniykita Diosta munakunankupaj yanapay. Chayta ruwajtiykeqa, sapallanku kashaspapis allin kajta ruwanqanku. Diosqa “payta qhawarispa kikinta” ruwananchejpaj imatapis ruwan, qanpis kikillantataj ruway. (Deuteronomio 6:5-7; Efesios 4:32; 5:1 leey.)