Juk pʼunchayniyuq jatun tantakuypaq wakichikusqan

Qhipan watapi, juk pʼunchayniyuq jatun tantakuy sutichakunqa: “Noqaykoqa llinkʼi tʼuru jinalla kayku, [Jehová] manka llutʼaj jina [ñuqanchikpaq] kanki” (Isa. 64:8). Chaypiqa Bibliamanta yuyaychaykunata japʼisunchik Diospa yachayninta, chiqa kayninta, atiyninta, munakuyninta, astawan riqsinanchikpaq, munakunanchikpaq ima.

Superintendente de circuito nisqaqa, kayta umallirichinqa: “Sumaq tʼuru vaso jatun pʼunchaypaqjina willayninchikpi kananchik tiyan”, chaypitaq rikuchinqa ima tʼinkakunatachus japʼichkanku pikunachus Diosmanta yachakurqanku, runamantaq willachkanku. Chanta wak umallirichiypiqa: “Tʼukuriyqa, jarkʼawanchik”, nisqata sutʼinchanqa, imaynatá Jehovap nisqanpi tʼukuriyqa saqra ruwaykunamanta jarkʼawasunman. Sucursalmanta juk hermanoqa kaykunata umallirichinqa “Mana ‘kay pacha runaspa yuyasqankumanjina’ kawsanchikchu” chanta “Mankata Jatun llutʼaq Jehovap munasqanmanjina kawsakuna”. Tatakunapaqqa, waynakunapaqpis may sumaq kanqa kay umallirichiykuna: “Waynakunaqa Jehovapaq sumaqta llamkʼachkanku”, “Tatakunaqa wawasninkuta uywanku sumaq tʼuru mankatapis ruwachkankumanjina”. Chantapis, hermanosta tapurikunqa, imaynatá Diospa Reinonmanta willaspa achkha runaman chayachkanku. Pikunachus kay jatun tantakuypi bautizakuyta munanku, ñawpaqmantapacha parlananku tiyan ancianosmanta superintendente presidente nisqawan. Ima Atalayatachus chay semanapi ukhunchakunqa jatun tantakuyman apananchik tiyan.

Jehová munasqanta juntʼanqapuni. Chaywanpis ñuqanchikllamanta kachkan, Paypa nisqanmanjina kawsananchikqa. Pikunachus Diospa nisqanmanjina, kawsanankupaq kallpachakuchkanku, llinkʼi tʼurujina Jehovap makinpi kanku, juk sumaq tʼuru vasomanjina tukunankupaq. Sumaq tʼuru vasoman tukuchinawanchikta saqikuptinchikqa, Jehovata kamachiqninchiktajina jatunchasunchik, paytaq mayta tʼinkawasunchik.