Chiqa kaqmanta sutʼinchaq revistasta runaman jaywarina
1. ¿Imaynatá La Atalaya, ¡Despertad!, revistas yanapawanchik runaman willananchikpaq?
1 La Atalaya. Anunciando el Reino de Jehová, ¡Despertad!, revistasqa runasman willayninchikpi sumaqta yanapawanchik, jinallataq discipulosta ruwanapaqpis (Mat. 24:14; 28:19, 20). Diosmanta willayninchikpi, kay iskay revistasta runaman jaywaspa mayta kusikunchik.
2. ¿Imaynatá La Atalaya, ¡Despertad!, revistasta allinyachikun, imaraykutaq?
2 Watamanta wata kay revistasqa astawan allinchakun, manaña ñapaqjina jatuchaqchu, manataq kapuyninpis kikinchu, chantapis, imaynatachus runaman jaywananchiktapis allinchakullantaq. Astawan runa ñawiriyta munananpaq, imapaqchus qillqakusqanta juntʼananpaq ima, kay revistasta allinyachikun, Reinomanta willay, ‘tukuy runaspa’ sunqunman chayananpaq, ‘chiqa kaqtataq riqsinankupaq (1 Tim. 2:4).
3. ¿Imaynatataq revsitasta runaman jaywasunchik?
3 Killapi juk ¡Despertad!, revistallata imaymanamanta jaywananpaq, 2006 wata enero killamantapacha allinta yachakunchik. Kunantaq, runaman willananchikpaq La Atalaya. Anunciando el Reino de Jehová, killapi juk revistallaña lluqsinqa. Reinomanta willayninchikpi, qhipa kaq paginanpi, kay revistasta runaman jaywananpaq allin yanapaqkuna wakichikun. Chay yanapasaq, revistasqa uyanpi imamantachus parlachkan, chaymanta churakun, wakin kutitaq revistaspi wak yachachiykunamanta urqhukun, runa ñawirinanpaq. Aswan allin rinawanchikpaq, chay yachachiykunata sumaqta ñawirinanchik tiyan, jinamanta chay yachakusqaykimanta yuyarikuspa tukuy laya runaman jaywariyta atinki
4. Reinomanta willayninchikpi, revistasta jaywanapaq yanapas rikhuriptinpis, ¿wakjinamanta revistasta runaman jaywallasunmantaqchu?
4 Reinomanta willayninchikpi, sapa revistata jaywananpaq, iskay yanapaykuna rikhurin, chaywanpis wakjinamanta kay revsitasta jaywarillawaqtaq. Ichapis, llaqtaykipi runaman revistasmanta wak yachachiykunata astawan yanapayta atinman. Chayri, qampis revistasta ñawirisqaykimanjina, may allin kasqanta rikusqaykimanta atiwaq runaman parlariyta jinamanta saqinaykipaq.
5. Manaraq revistata jaywanapaq wakichikuchkaspa, ¿imatataq ruwasunman?
5 Imaynatá wakichikusunman. Qallarinanpaq, ichapis chay revistasta mana tukuyninta ñawiriyta atinkichu willaq lluqsinaykipaq, chaywanpis imamantachus parlayta munanki chayta, allinta yachanayki tiyan. Runamanqa kusiywan, tukuy sunqawan jaywana tiyan, chaypaqtaq chay revistamanta yachachiyninta allinta yachanayki tiyan.
6. ¿Imaynatá revistasta wakjinamanta jaywanaykipaq wakichikuwaq?
6 Kunanqa wakichikuy revistasta tukuy imaynamanta runaman jaywariyta atikusqanta yuyaspa. Runa revistata ñawiriyta munananpaqjina juk tapuyta wakichikuy, imamantachus parlayta munanki chaymanjina. Runap sunqunman chayananpaq, Diospa Palabranpi atienekuy (Heb. 4:12). Chayrayku, Bibliamanta juk pʼitita akllay, revistamanta mayqinmantachus parlayta munasqaykimanjina parlanaykipaq. Imaynatachus kay pʼitita ñawirispa, revistata jaywanaykita tʼukuriy.
7. ¿Imaynatá aswan allinmanta revistasta runaman jaywarisunman?
7 Tukuyniqpi revistata jaywariy. Wakichikusqayki allin kasqanta rikunaykipaqqa, wakichikusqanchikwan llamkʼanayki tiyan. Sábado pʼunchaypi revistasta jaywanaykipaq qutuwan khuska willamuq lluqsiwaq. Pikunachus ñawpaqta wak publicacioneswan qhipakurqanku, chay runasman revistastapis jaywallawaqtaq. Jinallataq revistata Bibliamanta yachakuqkunaman, chay wasipi tiyakuqkunamanpis jaywanallataq. Chantapis, rantimuq rispa, viajaspa, hospitalman rispa ima, revistasta jaywallaypuni. Jinamanta aswan sumaqta revistasta jaywayta yachanki.
8. ¿Imaraykutaq La Atalaya, ¡Despertad! ima, mana wak revistaswan kikinchakunkuchu?
8 La Atalaya. Anunciando el Reino de Jehová, ¡Despertad!, kay revistasjinaqa mana kanchu. Kay revistasqa, Jehová Diosta Sumaq Kamachiqtajina mayta jatunchanku (Hech. 4:24). Kay revistaqa Diospa Reinonmanta sumaq willaykunawan runata sunquchan, Jesuspi iñiyninkutataq astawan wiñachin (Mat. 24:14; Hech. 10:43). Chantapis, imaynatachus Bibliap profesiasnin kunan pʼunchayninchikpi juntʼakusqanta rikuchiwanchik (Mat. 25:13). Tukuyniqpi kay revistasta runaman jaywanaykipaq allinta wakichikuy, jinamanta paykunatapis yanapananpaq.
9. ¿Imatá ruwasunman runawan watiqmanta parlariq kutinapaq?
9 Tukuchanapaqtaq, juk tapuyta ruwanaykipaq tʼukuriy. Ajinamanta wakichisqa kanki, juk runa revistaswan qhipakuptin, chayri pillapis allinta uyarisuptin, chay tapuyta ruwaspa wasinman Bibliamanta parlarinaykipaq watiqmanta kutiyta atinki. Tukuy sunquwan kay sumaq willaykunata willaptinchik, Jehovaqa kʼacha runaspa sunqunkuta kicharinqa, payta riqsinankupaq, yupaychanankupaq ima (1 Cor. 3:6).