SUMAJTA YACHACHINACHEJ
Aswan sumaj yachachejkuna kana: revistaswan willananchejpaj wakichikuna
¿IMARAYKUTAJ RUWANANCHEJPUNI TIYAN? Kay folletopi imaynatachus willanata yuyaychawajtinchejpis, mana kikintapunichu ruwananchej tiyan. Parlasqanchejman jinalla willasunman. Ichá waj jinata wakichisunman chayri willanchej chaypi imasmantachus runas yachakuyta munasqankuman jina. Chaypajqa revistastaraj leerisunman, kay folletopi willanapaj wakichikusqanta ukhuncharisunman, willanapaj videosta wakichikusqantataj qhawarisunman. Chantá kay urapi rikhurej yuyaychaykunaman jina wakichikuna.
¿IMAYNATÁ RUWASUNMAN?
¿Kay folletopi yuyaychasqanman jinachu revistawan willanki?
ARÍ
Jina kajtenqa, parlarinaykipaj wakichikuy. Wasiyojta napaykuytawan imapajchus visitarisqaykita sutʼinchariy. (Ichá niwaj: “Visitarisharqayku...”).
Wasiyojta tapuytawan, Bibliata leeripunaykipaj, chantá publicacionta saqenaykipaj imatachus ninaykipi tʼukuriy. (Bibliata leeripunaykipajqa, ichá niwaj: “Bibliaqa ajinata sutʼinchashan”).
MANA
Mana ajina kajtintaj, uj sumaj yachaqanata ajllay, runas imatachus yachayta munanku chayman jina.
Wasiyojta tapuriy pay parlarinanpaj jina, manataj pʼenqachinaykipaj jinachu. (Revistaspi iskay kaj paginapi rikhurej tapuyta leeripuy).
Uj versiculota ajllaspa leeripuy. (¡Despertad! revistawan willaspaqa mana Bibliata leeripunaykipunichu tiyan, imaraykuchus kay revistaqa pisillata Bibliata leejkunapaj chayri Diospi mana creejkunapaj wakichisqa kashan).
Wasiyojman pisi parlayllapi imaynatachus chay yachaqanata leeriy yanapananta sutʼinchariy.
MAYQENMAN JINA RUWASPAPIS
Qhepanpi kutinaykipaj uj tapuyta wakichikuy.
Imatachus qhepanpi ninaykita qhelqakuy.