¿Imaynatá yanapachikusunman “Predicanapaj” nisqa partewan?

“Predicanapaj” nisqa parteqa Cristiano Kausayninchej folletoj tapanpi llojserqa enero 2018 watamantapacha. ¿Imaynatá chay yuyaychaykuna yanapawasunman?

Asignacionniyoj kajtinchej. Chay partepeqa rikhurin uj tapuy, uj texto, revisitapaj tapuy ima, chayman jinataj wakichikusunman. Chaywanpis mana predicanapaj videospi nisqanman jinapunichu ruwananchej tiyan. Ichá waj jinamanta parlayta qallarisunman chayri waj jinamanta sutʼinchasunman. Chantapis chay partepi mana uj publicacionta saqenata nishajtinpis, Bibliamanta yachachinapaj uj publicacionta saqesunman.

Predicacionpi. Chay parteqa kashan sumajta predicayta yachananchejpaj. Uj runa Bibliamanta astawan parlariyta munan chayqa, ichá revisitapaj tapuyta ruwaspa, textota ima leeripuspa, parlarillasunmanpuni. Predicanapaj yuyaychaykunaman rijchʼakojta ruwasunman chayri waj jinamanta ruwasunman. Predicanchej chaynejpi runasmanqa ichá ñaupaj killaspi yuyaychakusqanman jina parlarisunman chayri waj textota leepusunman. Ajinamanta runasqa ichá aswan allinta uyarinkuman. Chantapis ichá parlarisunman imachus chaynejpi pasasqanmanta chayri imastachus runas yachayta munasqankumanta. Predicanapaj yuyaychaykunaqa mana chayman jinapuni ruwanapajchu kashan. Chaywanpis ‘sumaj willaykunarayku tukuy imata ruwana, ajinamanta wajkunaman willanapaj’ (1Co 9:22, 23).