¿Imaynatá yanapachikusunman “Predicanapaj” nisqa yuyaychaykunawan?

Predicanapaj yuyaychaykunaqa sumaj wakichisqa kashan, ashkha hermanostataj sumajta yanapan maypichus predicanku chaypi. Jinapis mana tukuy lugarespichu kikin imasmanta parlanchej. Chayrayku hermanosqa predicacionpi uj jinamanta willankuman chayri predicanku chay lugarpi imamantachus runas yachakuyta munanku chayman jina parlankuman. Jatun campaña kajtintaj ima yuyaychaykunatachus qowanchej chayman jinapuni tukuypis ruwananchej tiyan. Jesusqa Diospa Gobiernonmanta sumaj willaykunata willananchejta kamachiwarqanchej, chaytataj juntʼayta munanchej (Mt 24:14).

Chaupi semana tantakuypi asignacionninchej kan chayqa, kay folletoj 16 paginanpi imamantachus parlasqanman jina ruwasunman (julio, agosto killaspeqa Dios imatachus runaspaj munasqanmanta parlashan). Chaypi rikhurej tapuyta, textota, revisitapaj tapuytapis cambiasunman, predicanchej chay lugarpi runasta yanapananpaj jina. Jinapis 16 paginapi jinapuni ruwakunanta nikojtillan mana cambiasunmanchu. Cristiano Kausayninchej junio de 2020, página 8 nisqanqa kay yachaqanawan allinchakushan.