Señorpa Cenanpaq yuyarichiykuna

Señorpa Cenanpaq wakichikuchkaspa, ancianosqa kaykunata ruwananku tiyan...

◼ ... manaraq Inti yaykupuchkaptin, mana tʼantata vinotapis runaman qhawarinankupaq jaywakuchunchu.

◼ ... maychus nikusqanmanjina tʼantapis vinotapis wakichinanku tiyan (La Atalaya 15 febrero 2003, 14, 15 paginasta ñawirikunman).

◼ ... allin mesata, mantelta, platosta, copasta ima, ñawpaqmanta wakichinanku tiyan.

◼ ... Tantakunapaq wasita, chayri Señorpa Cenanpaq alquilasqa wasita ñawpaqmanta sumaqta llimphuchananku tiyan.

◼ ... pikunachus Señorpa Cenanpi yanapaqkunata, tʼantata vinota jaywaqkunatapis ñawpaqmanta akllananku tiyan; imatachus ruwanankuta, imaynatachus ruwanankuta, allin pʼachallisqas rinankuta ima, allinta paykunaman sutʼinchananku tiyan.

◼ ... janaqpachaman rinankupaq akllasqas kaqkunamanta, unqusqa kasqankurayku mana riyta atiqkunaman, tʼantata vinotapis paykunaman jaywakunanpaq kamachinanku tiyan.

◼ ... kikin Tantakuy wasipi Señorpa Cenanta qutukuna ruwaptinku, puraqmanta allinta parlarinanku tiyan, jinamanta yaykuna punkupi, aceraspi, auto sayachinapi ima, achkha runas mana tanqanakunankupaq.

◼ ... wasita alquilakun chaypi sistema de sonido nisqata, sumaqta uyarikunanpaq wakichichunku, jinamanta tukuy tantakuqkuna yachachiq hermanota allinta uyarinankupaq.