Jesuspa Wañuyninta Yuyarinapaj wakichikuna
Jesusqa wañunan pʼunchaymanta ñaupaj chʼisinpi, 33 watapi 13 nisán killapi munasqa amigosninwan tantakuspa, niña ujtawan paykunawan kananta yacharqa. Chantapis qhepa kaj Pascuata ruwasqantawan, uj mosoj ruwayta rikhuricherqa, chaytataj suticharqa Señorpa Cenan. Chayta ruwananpajqa, Pedrotawan Juantawan kacharqa wakichimunankupaj (Luc. 22:7-13). Chaymantapacha cristianosqa Jesuspa Wañuyninta Yuyarinapaj sumajta wakichikuna tiyan (Luc. 22:19). ¿Imastá ruwasunman niraj 3 de abril pʼunchay chayamushajtin wakichisqa kanapaj? Chayta qhawarina.
¿Imatá tukuy ruwasunman?
Jesuspa Wañuyninta Yuyarinapaj tantakuyman wajyarinapaj astawan kallpachakusunman.
Bibliamanta yachakojkunata, familiaresninchejta, llankʼaymanta, yachay wasimanta compañerosninchejta, rejsisqasninchejta ima, wajyarinapaj uj listata ruwakusunman.
Chay pʼunchaykunapaj Bibliamanta ajllasqa versiculosta leerisunman, chaypitaj tʼukurisunman.
Jamojkunata napaykurisunman.