Jesuspa Wañuyninta Yuyarinapaj kusiywan wakichikuna
1. Jesuspa Wañuyninta Yuyarinapaj tiempopi, ¿imatá ruwasun?
1 Jesuspa Wañuyninta Yuyarinapaj, marzo 26, martes pʼunchayta tantakusun. Dios, Jesusnejta salvawasqanchejpi tʼukurispataj, mayta kusikusun (Isa. 61:10). Chaywanpis ñaupajmantapacha kusisqa kayqa, chay pʼunchaypaj wakichiwasun. ¿Imaynamantá?
2. ¿Imataj Señorpa Cenanta wakichinapaj tanqawanchej?
2 Tantakuypaj wakichikuna. Señorpa Cenanqa, uj sumaj tantakuy. Allin llojsinanpajtaj, ñaupajmanta tukuy imata wakichina tiyan (Pro. 21:5). Ima horatachus, maypichus tantakuy ruwakunanta ima sumajta ajllana, llimphuchanataj. Tʼantata, vinota ima wakichina. Umallirichejpis allinta wakichikunan tiyan. Chantapis yanapajkuna, tʼantata, vinota ima jaywajkunapis, imatachus ruwanankuta sutʼita yachananku tiyan. Cheqamantachá kaykunaqa wakichisqaña kashan. ¿Imataj chayta ruwanapaj tanqawanchej? Jesús noqanchejrayku wañusqanta agradecekusqanchej (1 Ped. 1:8, 9).
3. Señorpa Cenanpaj, ¿imaynatá sonqonchejta wakichisunman?
3 Sonqota wakichina. Señorpa Cenanta maychus kajta entiendenapaj sonqonchejta wakichina (Esd. 7:10). ¿Imaynatá? Chay pʼunchaykunapaj Bibliamanta ajllasqa versiculosta ukhunchanapaj tiempochakuna. Chantapis wañupunan qayllata imatachus Jesús ruwasqanpi tʼukurina. Jesús kausayninta noqanchejrayku qosqanpi tʼukureyqa, pay jina ruwanapaj tanqawasun (Gál. 2:20).
4. Cristoj wañuyninnejta imaschus kasqanmanta, ¿imataj astawan kusichisunki?
4 Cristoj wañuynenqa, Jehovalla Kamachej kasqanta jatunchan. Juchamanta, wañuymanta ima kacharichiwanchej (1 Juan 2:2). Dioswan allinyakunapaj, wiñay kausayta japʼinapaj ima ñanta kicharin (Col. 1:21, 22). Chantapis Jehovaman qokusqanchejman jina kausanapaj, Cristo jina ruwanapaj ima kallpachawanchej (Mat. 16:24). Jesuspa Wañuyninta Yuyarinapaj tantakuypaj wakichikojtinchej, chayman rejtinchej ima, kusiyninchej yapakonqa.