¿Imaynatá Jesuspa wañuyninta yuyarinapaq jamuqkunata yanapasunman?
1. Kay watapi, marzo killamanta 22 pʼunchaypi, ¿ima jatun sutʼinchaytataq uyarinqanku?
1 Kay 2008 wataqa, marzo killamanta 22 pʼunchayninpi, Jallpʼantinpi may achkha runas, juk jatun sutʼinchayta uyarinqanku. Jesuspa wañuyninta yuyarinapaq jamuqkunaqa, Jehová jatun munakuyninrayku, kay pachamanta runasta juchamanta rantisqanta, uyarinqanku (Juan 3:16). Chantapis, imaynatachus Jehová Reinonniqta kay Jallpʼapaq munayninta juntʼananta, uyarillanqankutaq (Mat. 6:9, 10). Chantapis, jamuqkunata napaykuptinchik, Diospa llaqtan jukchasqa kasqanta, munanakusqankuta ima, rikunqanku (Sal. 133:1).
2. ¿Imaynatá Bibliamanta yachakuqkunata, Jesuspa wañuyninta yuyarinapaq, jamuptinku yanapasunman?
2 Yachakuqkuna. Bibliamanta yachakuqkuna, ichá chay tantakuyman jamunqanku, allin kanman paykunata, hermanosta, Tantakunapaq Wasita, imaynatachus tantakuyninchik ruwakusqanta ima riqsichinanchik. Chantá umallirichiqqa Diospa llaqtanpi ñawpaqman rinallankutapuni yuyaychanqa, chay umallirichiymanta parlaspataq, paykunata yanapasunman.
3. Manaña willaq lluqsiqkuna, Jesuspa wañuyninta yuyarinapaq jamuptinku, ¿imatá kallpachanapaq ruwasunchik?
3 Manaña willaqkuna. Chay tantakuymanqa, manaña willaq lluqsiq hermanospis jamullanqankutaq. ¿Manachu paykunaman qayllaykuspa sumaqta napaykusunman? Chaywanpis paykunawan parlachkaspaqa, mana pʼinqachinapaqjina tapuykachanachu. Kay tantakuymanta qhipamantaq ancianosqa, chay hermanosta waturiq rinankupaq wakichikunqanku, chay tantakuyman jamusqankumanta, allin ruwasqankuta ninqanku, chantapis jamunallankupaqpuni waqyarinqanku.
4. ¿Imatá ruwasunman chay tantakuyman jamuqkunata yanapanapaq?
4 Jamuqkuna. Chay tantakuymanqa, familiares, riqsisqas, waqyarisqanchik runas ima, jamunqanku. Mana riqsisqa runas kaptinku, allin kanman napaykunanchik, sutinchiktapis willananchik. Ichá chay kutillataraq jamunku. Paykunawan parlariptinchikqa, ichapis maypichus tiyakusqanta, willawasunchik. Chay tantakuymanta qhipamantaq, wasinkuman waturikuq risunman Bibliamanta yachakuyta munanallankupaqpuni, chantapis Bibliamanta yachachiyta munasqanchikta nisunman.
5. ¿Imatá Bibliamanta yachachiyta qallarinapaq nisunman?
5 Jesuspa wañuyninta yuyarinapaq tantakuypi parlakusqan, kay Yachachin librota saqinapaq, yanapawasunman. Chay tantakuypiqa, umallirichiq kay Isaías 65:21-23 pʼitikunata ñawirimunqa, ichapis chaymanta parlarispa kayta nisunman: “Dios rantiwasqanchikrayku wak tʼinkastapis japʼillasuntaq”. Chaymantataq, Yachachin libromanta 4, 5 paginasninta paywan ñawirisunman. Chayri kayta nisunman: “Achkha runas tapukunku maykʼaqtaq, kay profecía juntʼakunqa nispa”, chayta tapuytawantaq, 9 yachaqanamanta, 1-3 parrafokama paywan ñawirisunman. Chayri umallirichiq nisqanmanta parlaspa, kay Yachachin librowan, imaynatachus Bibliamanta ukhunchakusqanta rikuchisunman.
6. Jesuspa wañuyninta yuyarinapaq tantakuypi, ¿pikunatataq yanapayta atisun?
6 Bibliamanta yachakuqkunata, manaña willaqkuna ima, allinmanta yanapanapaq, tukuy imata ruwana tiyan (Luc. 22:19). Diospa Reinonrayku astawan llamkʼanapaq kallpakuptinchik, payqa mayta tʼinkawasun.