Diosta jatunchanankupaq yanapanqa
1. Kay tantakuypi umallirichiyta uyarispapis, ¿imatawantaq jamuqkuna allinpaq qhawankuman?
1 ¿Maykʼaqtaq? Jesuspa wañuyninta yuyarinapaq chʼisipi. Chayrayku runasta ñuqanchikwan khuska kay tantakuypi kanankupaq waqyarichkanchik. Ichapis mana uyarisqallankutachu allinpaq qhawanqanku, manaqa imatachus rikusqankutapis. Juk warmi Jesuspa wañuyninta yuyarinapaq tantakuypi qhawasqanmanta, tukuy runas kʼachas, tantakunapaq wasipis kʼachitu, may llimphu kasqanmanta, paykunalla allinchasqankumanta ima, sumaqta parlarqa. ¿Imatá kaymanta yachakunchik? Kay suyasqa pʼunchaypi jamuqkunata tukuyninchik yanapananchik tiyan Diosta jatunchanankupaq, manataq umallirichiqllachu (Efe. 4:16).
2. Jamuqkuna Diosta jatunchanankupaq, ¿imaynatá tukuyninchik yanapasunman?
2 Kʼachamanta kunallanraq jamuqkunata napaykuy. Kʼachamanta parlarispa, napaykuspa ima, jamuqkunata Diosta jatunchanankupaq yanapasunman (Juan 13:35). Ichapis mana tukuywanchu parlayta atiwaq, chaywanpis ladoykipi kaqkunawan riqsinakuwaq (Heb. 13:1, 2). Ni pita riqsiqkunatapis napaykuy. Ichapis juk invitacionta japʼikusqankurayku jamurqanku. Ajinata tapuriwaq: “¿Kunallanraqchu jamuchkanki?” nispa. Jina kaptinqa qamwan khuska tiyakunanta, ima tapuyninmanpis kutichiyta atisqaykita ima niwaq. Wak qutuchakuy chayllapitaq tantakunan kasqanrayku, usqhayllata lluqsina kaptinqa jinata niwaq: “Kay tantakuy imaynachus rikchʼasusqanmanta parlarisunman. ¿Imaynatataq tinkusunman parlarinapaq?” nispa.
3. Manaña willayman lluqsiq hermanos allin jamusqa kanankupaq, ¿imatá ruwasunman?
3 Manaña willayman lluqsiq hermanosta napaykuy. Manaña willayman lluqsiq hermanos, kay suyasqa pʼunchayllaman jamuqkuna ima kay tantakuyman jamullanqankutaq. Paykunata allin jamusqa kasqankuta niy, maytataq kusikusqaykita reparachunku (Rom. 15:7). Ancianos pisi tiemponmantaq, tantakuykunaman rinallankupaqpuni wasinkuman kallpachariq rinkuman. Kay tantakuyman jamuqkuna Jehovata jatunchanankupaq mañakunchik, mana uyarisqankuraykullachu, manaqa ‘allin ruwasqasninchikta rikusqankurayku’ (1 Ped. 2:12).