Jamojkunata napaykuna

Kay 23 de marzo killapi Jesuspa Wañuyninta Yuyarinapaj tantakuyman, 12 millones jina jamunankuta suyashanchej. Umallirichej hermanoqa sutʼincharenqa Jehová Dios, Wawanta kachamuspa uj sumaj regalota qowasqanchejta, chaytaj tukuyta yanapawasqanchejta ima (Isa 11:6-9; 35:5, 6; 65:21-23; Jn 3:16). Chaywanpis mana umallirichejllachu Diosmanta willarenqa. Noqanchejpis jamojkunata napaykurispa Diosmanta willayta atisun (Ro 15:7). Imaynatachus ruwananchejta qhawarina.

• Tantakuy qallarinankama chukusqalla suyanamantaqa, allin kanman jamoj runasta, chantá manaña tantakuyman jamojkunata napaykurinanchej. Paykunawanqa kʼachamanta parlarina.

• Wajyarisqanchej runas jamojtinkoqa sumajta yanaparina. Invitacionta japʼikusqankurayku jamojkunatapis yanaparinallataj. Mashkha kutitañachus tantakuyman jamusqanta tapurina. Ichapis Bibliata, takina libronchejta ima mañarinapaj, paywan khuska tiyakusunman.

• Umallirichiy tukukusqantawan tapuykunasnin kajtin kutichisunman. Waj qotuchakuy tantakunanpaj usqhayllata llojsina kajtintaj, waj día parlarinanchejta nisunman. Ichapis nisunman: “Kay tantakuymanta qanwan astawan parlariyta munayman. ¿Maypí taripaykimanri?”, nispa.