Allin jamusqa kasqankuta niy

¿Pikunatataj allin jamusqa kasqankuta nisunman? Tantakuykunasninchejman tukuy jamojkunata, kunallanraj chayri unaytaña jamojkunatapis (Ro 15:7; Heb 13:2). Ichá uj hermano waj suyumanta visitarishawanchej chayri uj hermano unaymanta tantakuyman jamushan. Qan chay hermano kawaj chay, ¿imayná sientekuwaj? Munakuywan japʼisunankutachá munawaj (Mt 7:12). Chayrayku Tantakuna Wasipi kashaspa, tukuyta napaykuna, niraj qallarishajtin, tukukusqantawantaj. Ajinamanta tukuypis tantakuyman jamuyta munallanqankupuni (Mt 5:16). Mana tukuywanpunichu parlariyta atisun. Jinapis, sapa ujninchej chayta ruwasun chayqa, tukuy kusisqa kasunchej.a

Mana Jesuspa Wañuyninta Yuyarinapaj tantakuyman jamojtillankuchu runastaqa napaykuna, manaqa sapa tantakuyman jamojtinku. Kunallanraj jamojkunaqa, cristianos munanakusqankuta rikuspa, paykunapis noqanchejwan khuska Diosta jatunchayta munanqanku (Jn 13:35).