Sucursalmanta carta

Diospa Reinonmanta willaqkuna, munasqa hermanos:

Boliviapi, 18.628 publicadores kaqkuna, Jehová runaman willayninchikpi tʼinkawasqanchikta rikunchik. Imaraykuchus, iskay circuitos yapakun, juk qhichwapi, juknintaq Aimarapi, chantapis chay qallusman tikrachikusqanwan, sapa qallupi 1.000 publicadoresjina kasqanwan ima, astawan Diospa chiqa yachachiyninmanta japʼikuchkanku. Chantapis kay kimsa killaspi, ni jaykʼaqjina yapakun, imaraykuchus kunankamaqa 26.846, runasman Bibliamanta yachachikuchkan, chantapis, sunqu kʼajaywan willakusqanrayku, astawan yapakunallantapuni yuyayku.

Paraguay, sucursalta astawan jatunchakusqanpi llamkʼayqa ñawpaqllamanpuni richkan. Qayna wata julio killakama, chay wasita allinchakusqanman, kay oficinasta churanku, guaraniman, señas paraguayoman, tikrachiqkunapaq, chantá rantiqkunapaq, Tantakuy wasista ruwaqkunapaq, wakkunapaq ima. Chantapis, musuq wasita ruwaypiqa, ñawpaqllamanpuni richkan, chay wasi ruwakuchkan chaypitaq 32 cuartos kanqa. Suyaykutaq pisimantawan, kay llamkʼay kusiywan tukukunanta.

Uruguay, kay 2008 watapi, Diosmanta sumaqta willakusqanta niwanchik. Imaraykuchus marzo killapi kay 1.237 precursores auxiliaresqa, sapa pachak publicadoresmanta chunka jukniyuq kuraq karqanku. Chantapis maymanchus mana willaq chayaqchu kanku, chaymanpis chayarqanku, chay lugarespitaq Bibliamanta astawan yachakuyta munaqkunata tarirqaranku, kunanqa chay runasman mana saqispa yachachiq kutinankuta ninku. Chantapis kay watapiqa, publicadores, willaypi horasta ruway, Bibliamanta yachakuyta munaqkunaman kutiy, revistasta runaman saqiypi ima, astawan yapakun.

Sucursalmanta

Hermanosniykichik