“Gobiernoyki jamuchun” nispa: May chhika runas Diosmanta mañakunku
Unaymantapacha may chhika runas “Gobiernoyki jamuchun”, nispa mañakunku. Imajtinchus Jesusqa discipulosninman nerqa Diospa Gobiernon jamunanta mañakunankuta. Ichá noqanchejpis chayta mañakullarqanchejtaj.
Qallariypi Jesuspa discipulosnenqa, mana sumajtachu entienderqanku pay Diospa Gobiernonmanta yachachisqanta. Uj kuti payta taporqanku: “Señor, ¿kunanchu watejmanta Israelpa gobiernonta sayarichishanki?”, nispa. Jesusqa maykʼajchus Diospa Gobiernon jamunanta mana discipulosninman willarqachu, chayrayku ichapis paykunaqa tʼukulla qhepakorqanku (Hechos 1:6, 7). Entonces, ¿nichu jaykʼajpis yachasunman Diospa Gobiernon maykʼajchus jamunanta?
Kay Torremanta Qhawaj revistapeqa kaykunata yachakusun:
¿Imaraykutaj Diospa Gobiernonta necesitanchej?
¿Pitaj chay Gobiernopi Rey kanqa?
¿Maykʼajtaj kamachiyta qallarenqa?
¿Imastataj Diospa Gobiernon ruwanqa?
¿Imaraykutaj Diospa Gobiernonta kunan maskʼananchej tiyan?
¿Maypitaj Diospa Gobiernon kashan?