¿Imaynatá “Diospa Munakuynin” nisqa librowan, Bibliamanta yachakuqman yachachisunman?
1. ¿Imapaqtaq “Diospa Munakuynin” nisqa libro wakichikun?
1 “Diospa espiritunwan pusachikuna” sutichasqa Jatun Tantakuypiqa, “Diospa Munakuyninpi kallaychikpuni” nisqa libro urqhukusqanmanta, ¡mayta kusikurqanchik!, ¿icharí? Chay tantakuypi sutʼinchakusqanmanjina, kay libroqa, Jehovata astawan riqsinanchikpaq, kamachiykunasninta astawan munakunanchikpaq ima wakichikun, manataq Bibliap wakin kamachiykunasninta riqsinallanchikpaqchu. Chaywanpis, mana kay librowan willaq risunchu.
2. ¿Imaynatá ‘Diospa Munakuynin’ librowan yachachisunchik?
2 Bibliamanta yachakuqman Yachachin librowan yachachiyta tukuytawan, Diospa Munakuynin nisqa librowan yachachiyta qallarisunchik. Wakinkunaqa, wakkunamanta nisqaqa, yachakuchkasqankuta mana usqhayta japʼiqayta atillankuchu, chayrayku sapa yachakuqman, japʼiqayta atisqanmanjinalla yachachina. Chaywanpis, yachakuq japʼiqananpaqjina sutʼita yachachina. Chantapis wakinkunaqa, Jehovamanta sutʼinchaqkunawan achkha librosta ukhunchaspapis, mana tantakuykunaman rinkuchu nitaq Bibliap nisqanmanjina kawsayta munasqankuta rikuchinkuchu, chayrayku kay librowanqa, paykunaman mana yachachisunchu.
3. Diosta yupaychana librowan juk runaman yachachichkanchikña chayqa, ¿imatá ruwananchik tiyan?
3 Diosta yupaychana librowan juk runaman yachachichkanki chayqa, kay libromanta yachachiyta tukuchkankiña chayqa, kay librowan yachachiyta tukunayki, yachakuqman “Diospa Munakuynin” librota sapallanmantaña ñawirinanta ninayki ima, aswan allin kanman. Mana ajina kaptintaq “Diospa Munakuynin” librowan yachachiyta qallariy. Chantapis kay librop yapanmantawan yachachinaykiqa, qamllamantaña kachkan.
4. Bibliamanta yachakuq, Yachachin libromanta, chayri “Diospa Munakuynin” libromanta manaraq yachakuyta tukuchkaspa bautizakun chayqa, ¿imatá ruwananchik tiyan?
4 Bibliamanta yachakuq, manaraq iskaynin librosmanta yachakuyta tukuchkaspa bautizakun chayqa, “Diospa Munakuynin” librowan yachachinallanchikpuni tiyan. Bibliamanta yachakuq bautizasqañapis kachun, machkha horastachus yachachisqanchikta, machkha kutistachus kutisqanchikta ima, yupayta atinchik. Jinallataq ñuqanchikwan riq hermanopis machkha horastachus yachachichkasqanchikta yupayta atillanmantaq.
5. ¿Imaynatá “Diospa Munakuynin” nisqa librowan manaña willaq riq hermanosta yanapasunman?
5 Comité de servicio nisqamanta, mayqin ancianopis manaña willaq riq hermanoman Bibliamanta yachachinaykita nisuptin, ichá “Diospa Munakuynin” nisqa libromanta wakin yachaqanasnillanta yachachinaykita nisunqa. Jina kaptinqa, mana unaytachu estudianaykichik tiyan. Ajinamanta manaña willaq riq hermanota yanapayqa, ¡may sumaq! Chiqamanta kay libroqa, “Diospa munakuynimpi” kanallanchikpaqpuni wakichisqa kasqanta nisunman (Judas 21).