¿Imatá nisunman revistasta rikuchichkaspa?

Torremanta Qhawaq Abril-Junio

“Wakin qillqaqkunaqa, Jesús wañusqanmanta Bibliapi qillqakusqan mana chiqachu kasqanta ninku, manaqa casarakuspa wawasniyuq kasqanta ninku. Qam, ¿chayta uyarirqankichu? [Kutichinanta suyariy.] Chaymanta chiqa kaqta yachayqa may sumaq [Juan 17:3, ñawiriy]. Kay yachaqanapiqa, Biblia Jesusmanta parlasqanpi imaraykuchus creenanchik kasqanta sutʼinchan.” Kay 26 paginata rikuchiy.

¡Despertad! Abril

Salmo 37:9-11 pʼitista ñawiriy, chantá kayta tapuriy: “Kay ñawirisqanchik juntʼakuptin kay pachapi, ¿imaynataq kawsay kananta yuyanki? [Kutichinanta suyariy.] Kay yachaqanaqa kay sumaq profeciamanta sutʼinchachkan, chantapis imaraykuchus kay pachapi saqra ruwaykuna kasqanmanta nillantaq”. Kay 20 paginata rikuchiy.

Torremanta Qhawaq Abril-Junio

“Achkha runas Jesuspa yachachisqasninta may jatunpaq qhawanku. Kay pʼiti nisqanmanjina, ¿kay yachachiy kawsayninchikpi yanapawasunmanchu? [Mateo 7:12 ñawiriy, chantá kutichinanta suyariy.] Chaywanpis Jesús mana allin yachachiykunallatachu yachachirqa. Diosmanta, Diospa Reinollan kay pachamanta saqra ruwaykunata chinkachinanta ima sutʼincharqa. Kay revistaqa, imatachus yachachisqanmanta sutʼinchachkan.” Kay 6 paginata rikuchiy.

¡Despertad! Mayo

“Achkha runas cigarrota pitayta saqiyta munanku chaywanpis mana atillankuchu. ¿Pillatapis cigarrota manaña pitayta munaqta riqsinkichu? [Kutichinanta suyariy.] Wakinta pitayta saqinankupaq familian, amigosnin ima yanaparqanku [Eclesiastés 4:12a, ñawiriy]. Kay revistapiqa, cigarrota pitayta saqinankupaq imaynatachus yanapanata tarinki.”