‘Ama manchachikuychu’

1. Jeremiasjina, ¿imatá manchachikusunman?

¹ Jeremiasqa, profeta kananpaq kamachisqa kachkaptin, payqa chayta mana atinanpaqjina qhawarqa. Jehovataq munakuywan ‘ama manchachikuychu’, nispa sunqucharqa. Kamachisqanta juntʼananpaqtaq kallpacharqa (Jer. 1:6-10). Ichá ñuqanchikpis, manchali kasqanchikrayku, pisipaq qhawakusqanchikrayku ima. Runata manchachikusqachiyrayku, mana willayman lluqsiyta atillanchikchu, ¿imataq mana manchachikunapaq yanapawasunchik? Chantá, ¿ima bendicionestataq japʼisunchik?

2. ¿Imaynamantá wakichikuy yanapawasunman?

² Wakichikuy. Allinta wakichikuyqa, mana manchachikunapaq yanapawasunchik. Ñawpaqmanta, mana uyariyta munaqkunapi, tʼukuriy, imaynatachus kutichinapaq yanapawasunchik (Pro. 15:28). Familiajina Diosta yupaychanapaq chʼisipi, imaynatachus yachaywasipi chayri willaypi, runap tapuykunasninkuman kutichinapaq wakichikuyqa, ¿manachu allin kanman? (1 Ped. 3:15.)

3. ¿Imaynamantá Jehovapi atienekuy yanapawasunman?

³ Jehovapi atienekuy. Jehovapi atienekuyqa manchachikuyta chinkachin, imaraykuchus yanapanawanchiktapuni niwanchik (Isa. 41:10-13). ¿Imatawantaq mañakusunman? Jesusqa, mana kutichiy atina tapuykunasman, santo espiritup yanapayninwan, sumaqmanta kutichiyta atisqanchikta, niwanchik (Mar. 13:11). Chayrayku Diosmanta mañakunallapuni (Luc. 11:13).

4. Willamullaptinchikpuni, ¿imaynamantá Jehová yanapawanchik?

⁴ Yanapaykuna. Jarkʼaykuna kaptinpis, willamullaptinchikpuni chayqa, manchachikuyta atipanchik. Imaraykuchus santo espirituwan, juntʼa kaqkunaqa, chayjinapuni kanku (Hech. 4:31). Kaytaq ñawpaqllamanpuni rinapaq yanapawasunchik. Jehovap yanapayninwanqa, manchachikuyninchikta atipasunchik, astawantaq paypi atienekusunchik. Chantapis iñiyninchik kallpachakunqa (Isa. 33:2). Janaqpachapi,Tatanchikta kusichisqanchikta yachayqa, sunqunchikta kusichin (1 Ped. 4:13, 14). Chayrayku, Jehová yanapawasqanchikta mana qunqaspa, Reinomanta allin willaykunata, mana manchachikuspa willamunallapuni.