Ñawirinaypaq wak qallupi, ¡usqhayllata munani!

¿Pillawanpis, publicacionesninchikta qallunpi qillqasqata munaqwan, maykʼaqllapis tinkukurqankichu? Chaywanpis ichá mana qutuchakuyniykipi karqachu. Qam kikin, Bibliamanta yachachinapaq, 400 qalluspi, imprimiyta atisqaykita, ¿yacharqankichu? Chaypaqqa internetman yaykuyta, impresorata ima necesitanki. Jinamantataq ruwawaq:

• Internetpi kay www.watchtower.org/s. nisqaman riy.

• Pata niq pantallapi pañanman rispa, Achkha qallusta akllanapaq tarinki. Tukuy qallusta rikunapaqtaq, mundo muyitu rikhuriqman nitʼiykuy.

• Munasqayki qalluman nitʼiykuy, chaypitaq tratados, folletos ima, rikhurinqa. Chay rikhurimuqkunatataq imprimiyta atinki. Akllasqayki qallupi imapis rikhurinqa. Ama phutikuychu titulosta mana ñawiriyta atispaqa, imprimikullanqa.

• Imatachus imprimiyta munasqaykiman ñitʼiykuptiyki, impriminapaq rikhurillanqa. Impriminapaqtaq internetmanta imprimir nisqaman rispa, imprimillanki.

Internetpiqa publicacionesninchikta, juk chhikanta rikuchinallapaq, astawan imallatapis munaspaqa qutuchakuyniqta mañakuna. Pillapis astawan yachakuyta munaptinqa, qutuchakuykunapi publicacionesta jaywaqkunamanta mañakuna kanman.