Qusa chayri warmi Diosta mana yupaychaptin, ¿imatá ruwasunman?
1. ¿Imaraykú qutuchakuypis Diosta mana yupaychaqta, yanapanan tiyan?
1 ¿Qutuchakuypi kanchu mayqin hermanoqllatapis chayri mayqin hermanaqllatapis, qusan chayri warmin Diosta mana yupaychaq? Maytachá kusikunkuman, qusan chayri warmin, Diosta yupaychaqman kutipuptin. Chaytaqa mana paykunallachu munanku. Qutuchakuyninchik, Diosninchik ima, “tukuy runas salvasqa kanankuta, cheqa kajtataj rejsinankuta”, munanchik (1 Tim. 2:4). ¿Imaynatá Diosta mana yupaychaqkunata yanapasunman?
2. ¿Imaynatá entiendey, yanapawanchik?
2 Qallarinapaqqa, imaynatachus Diosta mana yupaychaqkunajina yuyananchik tiyan. Wakinkunaqa, mayta familiasninkuta munakunku, allin qusas, allin tatas kayta munanku. chaywanpis, mana Jehovata yupaychankuchu. Ichá Diospa llaqtantapis, mana allinta riqsinkuchu, ichá mana allinta yachaspa amigosninku nisqallankuta, uyarirqanku. Chaywanpis wakinkunaqa, cristiano familianpaq tiempochakunanmantaqa, “religionpaq” tiempochakusqanta, mana allinpaqchu qhawanku. Paykunata entiendeptinchik, respetowan, kʼachamanta parlasunchik, manataq jukjinayasunchu paykunawan parlaspaqa (Pro. 16:20-23).
3. ¿Imaynamantá Diosta mana yupaychaqta yanapayta atisunman?
3 Sunqumantapacha dakukuna. Yachakuyta qallarichkaptinku, paykunamanta dakukusqanchiktaqa, mana Bibliamanta parlasqanchikwanchu, manaqa ruwasqanchikwan rikuchinchik (1 Ped. 3:1, 2). Kaytaqa, sunqumantapacha rikuchinanchik tiyan. Hermanasqa Diosta mana yupaychaq warmimanta dakukunanku tiyan, hermanostaq, qusaswan kikillatataq ruwananku tiyan. ¿Imaynamantá?
4. ¿Imaynatá dakukusqanchikta rikuchiyta atisunman?
4 Diosta mana yupaychaqta riqsispaqa, hermanowanraq chayri hermanawanraq, parlanayki allin kanman. Paywan parlariyta qallarichkaptinchik, mana allinta uyariwaptinchik ima, mana phutikunachu. Munakusqanchikta, sunqumantapacha, yanapayta munasqanchikta ima qhawaptin ichá imatachus Jehovamanta sutʼinchaqkunamanta yuyasqanta tikrachinman (Rom. 12:20). Wakin cristianosqa, Diosta mana yupaychaqta yanapanankupaq, wasinkuman, waqyarikunku. Ichá tukuy familia mikhunankupaq, riqsinakunankupaq ima. Jinamanta, mana pitapis chiqnikusqankuta rikuchinku. Bibliamanta parlanankumantaqa, imamantachus Diosta mana yupaychaq, parlayta munasqanmanta, parlanku. Juk chhikanta riqsinakusparaq ichá Bibliamanta parlayta atinkuman. Qutuchakuymanta, hermanosta riqsispaña, ichá tantakuyman riyta munanqa, chaypiqa imatachus warmin chayri qusan, yachakuchkasqanta rikuyta atinqa. Chaywanpis, manaraq Bibliamanta yachakuyta munaptinqa, warminta chayri qusanta yanapachkasqanta, may allinta ruwachkasqanta nisunman.
5. ¿Imaynatá ancianos yanapankuman?
5 Ancianos astawanqa, dakukunanku tiyan. Riparananku tiyan, imaynatachus Bibliawan yanapayta atisqankuta. Bibliamanta mana yachakuyta munaqkunaman, ichá unqusqa, hospitalpi kachkaptinku, Bibliawan sunquchasqanchikta uyarinqanku. Diosta mana yupaychaqmanta, pillapis familianmanta wañupuptin, ancianosqa, Diosta mana yupaychaqkunata waqyariyta atinku, imaynatachus Biblia sunquchawasqanchikta uyarinankupaq.
6. ¿Imaraykú hermanospa, hermanaspa qusanta chayri warminta yanapananchik tiyan?
6 Hermanoqa chayri hermanaqa, qusan chayri warmin Bibliamanta yachakuyta qallariptin, ¡maytachá kusikunman! Diosmanta yachakuyta munasqanqa, mana paykunallatachu kusichin, manaqa Jehovata, angelesta, qutuchakuypi kaqkunata ima kusichin (Luc. 15:7, 10). Mana yachakuyta munaptinpis, chay yanapasqanchikta, Jehová allinpaq qhawasqanqa, mayta kusichinawanchik tiyan. Imaraykuchus Jehovaqa, mana “munanchu pipis juchanrayku chinkayman rinanta. Astawanqa pay munan tukuy runas Diosman kutirikunankuta”, nispa (2 Ped. 3:9).
[6 paginapi sutʼinchaynin]
Yachakuyta qallarichkaptinku, paykunamanta dakukusqanchiktaqa, mana Bibliamanta parlasqanchikwanchu, manaqa ruwasqanchikwan rikuchinchik