Wawasniyki, ¿wakichisqaschu kachkanku?
1. ¿Imaraykutaq wawasniyki wakichisqas kananku tiyan?
1 Waynas, sipas ima cristianos kasqankurayku yachaywasipi chʼampaykunawan, churanakuykunawan tinkukunku, chaywanpis yachaywasipi “cheqa kajmanta willa[yta]” atinku (Juan 18:37). Wawasniykirí, ¿wakichisqaschu kachkanku?
2. Wawasniyki wakichisqas kanankupaq, ¿imatá yachananku tiyan?
2 Suyup raymisninta ruway chayri lantista yupaychay imatachus ninayasqanta, ¿wawasniyki sutʼitachu yachanku? ¿Imaraykuchus chay raymis mana allin kasqanta yachankuchu? Jatun yachaywasiman rinankupaq tanqaptinku, ¿wakichisqaschu kachkanku qhisachanankupaq? Piwanpis riqsinakuyta qallarinanpaq tanqaptinku chayri alcoholta, drogasta ima quyta munaptinku, ¿yachankuchu imatachus ruwanankuta? ¿Imallatapis ruwanankuta niptinku, religionnin mana saqisqanta nispallachu kutichinku chayri imapichus creesqankuta sutʼinchayta atinkuchu? (1 Ped. 3:15.)
3. ¿Imaynatá tatas Familiapi Diosta Yupaychanapaq Chʼisipi wawasninkuta wakichinkuman?
3 Familiapi Diosta Yupaychanapaq Chʼisipi wakichikuychik. Killas pasasqanmanjina ichapis yachaywasipi chʼampaykuna rikhuriptillan parlankichik. Allin kanman chaykunamanta ñawpaqta parlarinaykichik, ajinamanta wawasniykichik mana manchachikunqankuchu. Chaypaqtaq Familiapi Diosta Yupaychanapaq Chʼisita jukta chayri astawan kutista ruwaychik. Yachaywasipi imachus astawan llakichisqanta wawasniykichikta tapuriwaqchik. Chantapis ñawpa wataspi imamantachus parlasqaykichikta yuyarinaykichik allin kanman, ichapis kunanqa astawan entiendenqanku (Sal. 119:95). Imaynatachus kutichinankuta qamkuna yachachiq, yuyaychaq chayri compañerosninkupis kawaqchikjina rikuchiychik. Wawasniykita Bibliawan tapuykunata kutichinankuta yachachiy, kay Razonamiento, Waynaspata, sipaskunapta libroswan ima. Juk hermana, manaraq clases qallarichkaptin wawasninman musuq yachachiqkunawan parlanankupaq chantá Jehovamanta sutʼinchaqkunajina riqsichikunankupaq yachachiq. Kay Torremanta Qhawaq revistapi 2010, 15 diciembre 3-5 paginasninta qhawariy.
4. Allin yuyayniyuq tata, ¿imatataq ruwanan tiyan?
4 Waynas, sipas ima kay qhipa tiempospi “sajra pʼunchaykuna” kasqanrayku, aswan chʼampaykunapi rikukunku (2 Tim. 3:1). Yuyayniyuq tatastaq ñawpaqmantaña wawasninkuta wakichinku (Pro. 22:3). Chayrayku wawasniykichik allin wakichisqas kanankupaq yanapaychik.