Septiembrepi ñawpaq kaq sabadota Bibliamanta yachachiyta qallarinapaq

“Maykʼaqllapis tapukurqankichu, ¿imatataq Diosninchik Jallpʼapaq munan? [Kutichinanta suyariy.] Kay revistapi astawan rikuchisuyta munayman.” Torremanta Qhawaq julio-septiembre 16 paginanmanta ñawpaq kaq tapuypa kutichiyninta, pʼitinta ima khuska ñawiriychik. Revistasta saqiwaq chantá qhipan tapuyta kutichinaykipaq, ima pʼunchaytachus kutinaykipaq parlariychik.

Torremanta Qhawaq Julio-Septiembre

“Machuyaytaqa mana pipis munanchu, chayrayku imaraykuchus tukuypis machuyasqanchikta maykʼaqllapis, ¿tapukurqankichu? [Kutichinanta suyariy.] Bibliaqa mana chaypaqchu Dios ruwawasqanchikta niwanchik [Job 33:25 ñawiriy]. Kay revistaqa imaynatachus mana machuyaspa wiñaypaq kawsayta atisqanchikta sutʼinchawanchik.”

¡Despertad! Septiembre

“Mana qullqiyuq kayqa tukuyta llakichiwanchik, ¿yachankichu imaraykuchus killa tukukuchkaptin mana qullqiyuq rikhurinchik? [Kutichinanta suyariy.] Bibliaqa qullqita allinta apaykachanapaq yuyaychasqanrayku achkha runasta yanapan [kay 8, 9 paginasmanta juknin pʼitinta ñawiriy]. Kay revistapi manuchakusqankurayku llakisqa kaqkunapaq yuyaychaykuna rikhurin.”