Revistaswan willaranapaj

Septiembrepi ñaupaj kaj sabadota Bibliamanta yachachiyta qallarinapaj

“Cristianosqa bautizakunkupuni, ¿bautizakuy may sumaj kasqantachu niwaj? [Kutichinanta suyariy.] Kay yachaqanaqa, bautizakuymanta astawan sutʼinchashan. Chantá Torremanta Qhawaj revistata julio-septiembre killamanta 16 paginanmanta ñaupaj kaj tapuyta sutʼinchariy, chantá uj versiculollatapis leeripuy. Revistasta saqey, chantá qhepan tapuyta sutʼincharinaykipaj, waj pʼunchay kutinaykita niy.”

Torremanta Qhawaj Julio-septiembre

“Ashkha runas Jesús kausarimusqanta mana creenkuchu. ¿Qanpis kikillantatajchu creenki? [Kutichinanta suyariy.] Kay sumaj yachachiyta qhawarichiyta munayki [Hechos 2:24 leey]. Kay revistaqa, Jesús kausarimusqantapuni rikuchishan.” Kay 7 paginata rikuchiy.

¡Despertad! Septiembre

“Ashkha runas Jallpʼapi kausay chinkananta ninku, uj chʼaska chayri uj planeta Jallpʼawan chocakojtin chayri uj jatun maqanakuy kajtin. ¿Kay pachaj tukukuyninmanta nikusqanta uyarinachu tiyan, chayri parlashallankuchu? [Kutichinanta suyariy.] Bibliaqa, kay sumaj suyakuyta qowanchej [Salmo 37:29 leey]. Kay revistaqa, kay pachaj tukukuyninmanta tukuy imata nikusqanmanta sutʼinchashan, chantapis Biblia nisqaman jina imachus runapaj kananta ima.”